Kúni keshe ǵana Almaty oblysynda «Eńbek naryǵyndaǵy jumysshy mamandyqtar jyly» aiasynda forým ótti. Memleket basshysy Qasym-Jomart Kemeluly Toqaev «Ádiletti Qazaqstan: zań men tártip, ekonomikalyq ósim, qoǵamdyq optimizm» atty Qazaqstan halqyna Joldaýynda 2025 jyldy «Jumysshy mamandyqtar jyly» dep jariialaǵy barshaǵa belgili. Halyqtyń ómir súrý deńgeiin arttyrý maqsatynda Qazaqstan Respýblikasynyń eńbek naryǵyn damytýdyń 2024-2029 jyldarǵa arnalǵan tujyrymdamasy iske asyrylýda, – dep habarlaidy Dalanews.kz Almaty oblysy ákiminiń baspasóz qyzmetine silteme jasap. .
Eńbek adamynyń bedelin kóterý, kásibi bilim berý jáne eńbek naryǵyna qajetti mamandyqtar boiynsha oqytýdy jetildirý 2025 jyldyń basty maqsaty jáne negizgi jospardyń biri.
Osy maqsatta Almaty oblysynda jumystar júieli. Biri Qarasai aýdanynda ótkizilgen aýqymdy basqosý. Sharaǵa Almaty oblystyq ákimdiginiń ókilderi, basqarma basshylary men bir qatar joǵarǵy oqý oryndarynyńbasshylary, qyzmetkerleri, iri kásiporyndar menkolledj ókilderi jáne Pavlodar oblysy men Almaty oblysynyń eńbek mobildiligi ortalyǵynyń quramy qatysty. Olar jumysshy mamandyqtarynyń mártebesin kóterý men olarǵa kórsetiletin qoldaý máselesin jan-jaqty talqylady.
Jiynda sóz alǵan Almaty oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Aigúl Ahmetova Prezidenttiń bul bastamasy ekonomikalyq turaqtylyq pen áleýmettik progrestiń basty faktory retinde jumysshy kásipteriniń rólin kúsheitýdegi strategiialyq qadam ekenin atap ótti.
