كۇنى كەشە عانا الماتى وبلىسىندا «ەڭبەك نارىعىنداعى جۇمىسشى ماماندىقتار جىلى» اياسىندا فورۋم ءوتتى. مەملەكەت باسشىسى قاسىم-جومارت كەمەل ۇلى توقايەۆ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋىندا 2025 جىلدى «جۇمىسشى ماماندىقتار جىلى» دەپ جاريالاعى بارشاعا بەلگىلى. حالىقتىڭ ءومىر ءسۇرۋ دەڭگەيىن ارتتىرۋ ماقساتىندا قازاقستان رەسپۋبليكاسىنىڭ ەڭبەك نارىعىن دامىتۋدىڭ 2024-2029 جىلدارعا ارنالعان تۇجىرىمداماسى ىسكە اسىرىلۋدا، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ. .
ەڭبەك ادامىنىڭ بەدەلىن كوتەرۋ، كاسىبي ءبىلىم بەرۋ جانە ەڭبەك نارىعىنا قاجەتتى ماماندىقتار بويىنشا وقىتۋدى جەتىلدىرۋ 2025 جىلدىڭ باستى ماقساتى جانە نەگىزگى جوسپاردىڭ ءبىرى.
وسى ماقساتتا الماتى وبلىسىندا جۇمىستار جۇيەلى. ءبىرى قاراساي اۋدانىندا وتكىزىلگەن اۋقىمدى باسقوسۋ. شاراعا الماتى وبلىستىق اكىمدىگىنىڭ وكىلدەرى، باسقارما باسشىلارى مەن ءبىر قاتار جوعارعى وقۋ ورىندارىنىڭباسشىلارى، قىزمەتكەرلەرى، ءىرى كاسىپورىندار مەنكوللەدج وكىلدەرى جانە پاۆلودار وبلىسى مەن الماتى وبلىسىنىڭ ەڭبەك موبيلدىلىگى ورتالىعىنىڭ قۇرامى قاتىستى. ولار جۇمىسشى ماماندىقتارىنىڭ مارتەبەسىن كوتەرۋ مەن ولارعا كورسەتىلەتىن قولداۋ ماسەلەسىن جان-جاقتى تالقىلادى.
جيىندا ءسوز العان الماتى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ايگۇل احمەتوۆا پرەزيدەنتتىڭ بۇل باستاماسى ەكونوميكالىق تۇراقتىلىق پەن الەۋمەتتىك پروگرەستىڭ باستى فاكتورى رەتىندە جۇمىسشى كاسىپتەرىنىڭ ءرولىن كۇشەيتۋدەگى ستراتەگيالىق قادام ەكەنىن اتاپ ءوتتى.
