Almaty oblysy prokýratýrasymen internet-alaiaqtyqtarǵa qarsy is-qimyl boiynsha iri onlain-platformalar (Krisha.kz, Kolesa.kz, OLX.kz) ókilderimen yntymaqtastyq týraly memorandým aiasynda úzdiksiz aqparat almasý uiymdastyryldy, – dep habarlaidy Dalanews.kz
Birlesken jumys nátijesinde alaiaqtyq áreketter belgileri bar 5 myńnan astam akkaýnt anyqtalyp, buǵattaldy. Taǵy 7 myń akkaýnt tekserý aiasynda tur.
Bul akkaýnttardyń basym bóligi Almaty qalasy men oblysynda páterlerdi táýliktik jalǵa berý, jyljymaityn múlikti satý, avtokólikterdi ádeii tómen baǵamen satý jáne shetelden avtokólik bólshekterin jetkizý taqyryptarymen bailanysty.
Alaiaqtar, ádette, ózderine tiesili emes obektilerdiń jalǵan fotosýretterin paidalanyp «bron» úshin aldyn ala tólem talap etken.
Prokýratýra men marketpleisterdiń birlesken jumysy tsifrlyq ortadaǵy qylmystarǵa qarsy memlekettik organdar men jeke sektor arasyndaǵy ózara is-qimyldyń tiimdi algoritmin qalyptastyrýǵa yqpal etti.
Oblys prokýratýrasy telekommýnikatsiialyq jáne qarjylyq uiymdardy qosa alǵanda, tsifrlyq ekojúieniń basqa da qatysýshylarymen yntymaqtastyqty keńeitý boiynsha jumysty jalǵastyrýda.
"Azamattardy onlain-satyp alýlar kezinde saq bolýǵa jáne tsifrlyq platformalardaǵy habarlandyrýlardyń shynaiylyǵyn mindetti túrde tekserýge shaqyramyz",- delingen habarlamada.
