الماتى وبلىسى پروكۋراتۋراسىمەن ينتەرنەت-الاياقتىقتارعا قارسى ءىس-قيمىل بويىنشا ءىرى ونلاين-پلاتفورمالار (Krisha.kz، Kolesa.kz، OLX.kz) وكىلدەرىمەن ىنتىماقتاستىق تۋرالى مەموراندۋم اياسىندا ۇزدىكسىز اقپارات الماسۋ ۇيىمداستىرىلدى، – دەپ حابارلايدى Dalanews.kz
بىرلەسكەن جۇمىس ناتيجەسىندە الاياقتىق ارەكەتتەر بەلگىلەرى بار 5 مىڭنان استام اككاۋنت انىقتالىپ، بۇعاتتالدى. تاعى 7 مىڭ اككاۋنت تەكسەرۋ اياسىندا تۇر.
بۇل اككاۋنتتاردىڭ باسىم بولىگى الماتى قالاسى مەن وبلىسىندا پاتەرلەردى تاۋلىكتىك جالعا بەرۋ، جىلجىمايتىن مۇلىكتى ساتۋ، اۆتوكولىكتەردى ادەيى تومەن باعامەن ساتۋ جانە شەتەلدەن اۆتوكولىك بولشەكتەرىن جەتكىزۋ تاقىرىپتارىمەن بايلانىستى.
الاياقتار، ادەتتە، وزدەرىنە تيەسىلى ەمەس وبەكتىلەردىڭ جالعان فوتوسۋرەتتەرىن پايدالانىپ «برون» ءۇشىن الدىن الا تولەم تالاپ ەتكەن.
پروكۋراتۋرا مەن ماركەتپلەيستەردىڭ بىرلەسكەن جۇمىسى سيفرلىق ورتاداعى قىلمىستارعا قارسى مەملەكەتتىك ورگاندار مەن جەكە سەكتور اراسىنداعى ءوزارا ءىس-قيمىلدىڭ ءتيىمدى الگوريتمىن قالىپتاستىرۋعا ىقپال ەتتى.
وبلىس پروكۋراتۋراسى تەلەكوممۋنيكاسيالىق جانە قارجىلىق ۇيىمداردى قوسا العاندا، سيفرلىق ەكوجۇيەنىڭ باسقا دا قاتىسۋشىلارىمەن ىنتىماقتاستىقتى كەڭەيتۋ بويىنشا جۇمىستى جالعاستىرۋدا.
"ازاماتتاردى ونلاين-ساتىپ الۋلار كەزىندە ساق بولۋعا جانە سيفرلىق پلاتفورمالارداعى حابارلاندىرۋلاردىڭ شىنايىلىعىن مىندەتتى تۇردە تەكسەرۋگە شاقىرامىز"،- دەلىنگەن حابارلامادا.
