Almaty oblysynda 16 myń gektardan astam paidalanylmai jatqan aýyl sharýashylyǵy maqsatyndaǵy jerler memlekettik menshikke qaitaryldy, dep habarlaidy Dalanews.kz
Almaty oblysynda aýyl sharýashylyǵy maqsatyndaǵy paidalanylmai jatqan jerlerdi anyqtaý jáne olardy memlekettik menshikke qaitarý jumystary júieli túrde júrgizilýde. Bul týraly oblystyq Jer qatynastary basqarmasynda habarlady.
Basqarma derekterine sáikes, biylǵy jyldyń basynan beri nysanaly maqsaty boiynsha paidalanylmai jatqan jalpy kólemi 50 083 gektardy quraityn 446 jer ýchaskesi anyqtaldy. Aýdandar men qalalardyń ákimdikterimen salyq júktemesin odan ári kúsheitý jáne jer zańnamasyna sáikes qaitarý rásimderin júrgizý úshin tiisti jumystar júrgizilýde.
Qazirgi tańda 8 214 gektardy quraityn 71 jer ýchaskesi boiynsha materialdar Jer resýrstaryn basqarý departamentine joldanyp, jumysqa qabyldandy. Sonymen qatar, 23 747 gektar aýmaqtaǵy 37 jer ýchaskesi boiynsha talap-aryzdar sot qaraýynda, al jalpy kólemi 2 486,0 gektar bolatyn ýchaskeler boiynsha sot sheshimi shyǵyp, memleket menshigine qaitaryldy.
Jyl basynan beri erikti túrde memleket menshigine 14 481,32 gektar jer qaitaryldy. Eń kóp qaitarylǵan aýmaqtar Jambyl (3 119,0 ga), Balqash (7 961,87 ga) jáne Kegen (1 893,0 ga) aýdandaryna tiesili. Jalpy alǵanda, 2025 jyldyń basynan beri memleket menshigine qaitarylǵan jer kólemi 16 967 gektardy qurady.
Sonymen qatar, jalǵa alý sharttarynyń oryndalýyna baqylaý kúsheitildi. Jalpy kólemi 30 827,87 gektardy quraityn 216 jer paidalanýshyǵa shart talaptaryn buzǵany úshin eskertý jiberildi. Talaptar oryndalmaǵan jaǵdaida materialdar sot organdaryna joldanady.
