9-11 synyp oqýshylary attestat alý úshin synaq tapsyrmaidy. Jyl boiǵy alǵan baǵalarynyń negizinde qorytyndy shyqqany belgili. Attestatty tapsyrý rásimi 3-4 maýsym aralyǵynda ótedi dep kútilýde.
Biyl Almaty oblysy boiynsha 1177 oqýshy «Altyn belgi» iegeri, 851 «Úzdik attestat» iesi atanyp otyr. Aǵymdaǵy jyly 15256 oqýshy altyn uiasymen qoshtasty. Olardyń ishinde 11589-y UBT tapsyrýǵa ótinish bergen.
Ulttyq biryńǵai tekstileýge ótinish berý 15 sáýir men 10 mamyr aralyǵynda onlain formatta ótkizilgeni belgili.
Óńirde UBT tapsyrýǵa arnalǵan 16 oryn jumys isteidi dep kútilýde. Qazirgi tańda synaq tapsyrý oryndar qajetti tehnikalyq talaptarǵa sáikes jabdyqtalǵan.
Ulttyq biryńǵai testileý formaty ózgerissiz qalady. Ádettegidei qaǵaz túrinde ótkiziledi. Test 5 pánnen turady. Olar – Qazaqstan tarihy, oqý saýattylyǵy, matematikalyq saýattylyq, tańdaý boiynsha 2 negizgi pán.
Synaq 20 maýsymnan 5 shildege deiin jalǵasady. UBT qatań sanitarlyq erejelerge sáikes ótkizý de josparlanýda.
Qazaqstan Respýblikasy Úkimetiniń 2008 jylǵy 23 qańtardaǵy № 58 «Joǵary bilim úshin aqy tóleý úshin bilim berý grantyn berý erejesin bekitý týraly» qaýlysyna sáikes 2017 jyldan beri jergilikti ákimdikter bilim berý granttaryn berip keledi.
Aitalyq, 2017 jyly – 100, 2018 jyly – 106, 2019 jyly oblystyq biýdjetten 250 bilim granty bólindi, onyń 79-y kóp balaly jáne az qamtamasyz etilgen otbasylardyń balalary ie bolǵan bolatyn. Biyl Almaty oblysy ákimdigi jergilikti biýdjetten 200 bilim grantyn bólý josparlap otyr.
Anar SABYROVA, Almaty oblysy.
