Almaty oblysy ákiminiń ókimimen Almaty oblysy Ishki saiasat basqarmasynyń basshysy laýazymyna Tólegen Kenjebekov taǵaiyndaldy, dep habarlaidy Dalanews.kz.
Tólegen Kenjebekov 1986 jyly týǵan, bilimi joǵary, Jetisý memlekettik ýniversitetin qazaq tili men ádebieti, Quqyq jáne ekonomika akademiiasyn zańger mamandyqtary boiynsha bitirgen. Jetisý memlekettik ýniversitetinde memlekettik jáne jergilikti ózin-ózi basqarý mamandyǵy boiynsha magistr dárejesin alǵan.
Eńbek jolyn Iliias Jansúgirov atyndaǵy Jetisý memlekettik ýniversitetiniń jastar jónindegi mamany bolyp bastaǵan.
Ár jyldary Almaty oblysynyń Ishki saiasat, tabiǵi resýrstar jáne tabiǵatty paidalanýdy retteý basqarmalarynyń bas mamany, Memlekettik qyzmet isteri agenttiginiń Almaty oblysy boiynsha departamentinde bólim konsýltanty, bas maman, basqarma basshysy, oblys ákimi apparatynyń ádep jónindegi ýákili, Qonaev qalasy ákiminiń orynbasary bolyp qyzmet etken.
