الماتى وبلىسى اكىمىنىڭ وكىمىمەن الماتى وبلىسى ىشكى ساياسات باسقارماسىنىڭ باسشىسى لاۋازىمىنا تولەگەن كەنجەبەكوۆ تاعايىندالدى، دەپ حابارلايدى Dalanews.kz.
تولەگەن كەنجەبەكوۆ 1986 جىلى تۋعان، ءبىلىمى جوعارى، جەتىسۋ مەملەكەتتىك ۋنيۆەرسيتەتىن قازاق ءتىلى مەن ادەبيەتى، قۇقىق جانە ەكونوميكا اكادەمياسىن زاڭگەر ماماندىقتارى بويىنشا بىتىرگەن. جەتىسۋ مەملەكەتتىك ۋنيۆەرسيتەتىندە مەملەكەتتىك جانە جەرگىلىكتى ءوزىن-وزى باسقارۋ ماماندىعى بويىنشا ماگيستر دارەجەسىن العان.
ەڭبەك جولىن ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ جاستار جونىندەگى مامانى بولىپ باستاعان.
ءار جىلدارى الماتى وبلىسىنىڭ ىشكى ساياسات، تابيعي رەسۋرستار جانە تابيعاتتى پايدالانۋدى رەتتەۋ باسقارمالارىنىڭ باس مامانى، مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتىندە ءبولىم كونسۋلتانتى، باس مامان، باسقارما باسشىسى، وبلىس اكىمى اپپاراتىنىڭ ادەپ جونىندەگى ۋاكىلى، قونايەۆ قالاسى اكىمىنىڭ ورىنباسارى بولىپ قىزمەت ەتكەن.
