Qýaty 60 MVt-ny quraityn stantsiia keler jyly qoldanysqa beriledi.
Barlyǵy 24 jel energetikalyq qondyrǵysynan turatyn stantsiiada qazirgi kúni qurylys-montaj jumysty qarqyndy júrýde.
Jobany «Samuryq-Energo» quramyndaǵy «Jetisý energiiasy» JShS-y júzege asyrýda. Qurylys jumystaryna jergilikti jerden 300 adam jumyldyrylǵan, joba iske qosylǵan keiin turaqty 14 jumys orny qurylady.
Kompaniia mamandarynyń málimeti boiynshsha JES jylyna 225 750 myń kVtsaǵ. elektr energiiasyn óndiredi dep kútilýde. Qondyrǵylar ystyq-sýyqqa tózimdi, 10 ballǵa deiin jer silkinisine tótep bere alady.
Sarapshylardyń aitýynsha, Qazaqstannyń balalamaly qýat kózderin paidalanýdaǵy áleýeti zor. Jalpy «jasyl» energetikaǵa kóshý, «jasyl» tehnologiialardy engizý – jahannyń damyǵan elderi bet buryp jatqan baǵyt.
«Samuryq-Energo» mamandarynyń baǵalaýynsha Almaty oblysynda elektr energiiasynyń negizgi kózderi – Almaty JEO-lary, Qapshaǵai jáne Almaty SES-iniń kaskadtary, Esik SES-i, Moinaq SES-i, Qaratal SES-i.
Ózinde óndirýshi qýat kózderi jetispegendikten, oblystyń elektr energiiasyna degen qajettiligi qolda bar energiia kózderimen 50-ǵa ǵana qamtamasyz etiledi. Jel energiiasy resýrstarynyń áleýeti joǵary óńirde jel elektr stantsiiasyn paidalanýǵa berý qorshaǵan ortany lastaý mólsherin tómendetip, óńirdegi elektr energiiasyna degen tapshylyqty ishinara sheshýge múmkindik beredi.
Aita ketelik Shelek dálizi Almatydan 150 shaqyrym jerde, Ile Alataýy men Jetisýdyń taýly silemderiniń arasynda ornalasqan. Jel áleýeti óte joǵary, jyldamdyǵy - 50 metrlik biiktikte 7,8 m/s, jel aǵynynyń tyǵyzdyǵy 510 Vt sharshymetrdi quraidy. Bul saǵatyna 3200 kVt elektr energiiasyn óndirýge múmkindik beredi.
