قۋاتى 60 مۆت-نى قۇرايتىن ستانسيا كەلەر جىلى قولدانىسقا بەرىلەدى.
بارلىعى 24 جەل ەنەرگەتيكالىق قوندىرعىسىنان تۇراتىن ستانسيادا قازىرگى كۇنى قۇرىلىس-مونتاج جۇمىستى قارقىندى جۇرۋدە.
جوبانى «سامۇرىق-ەنەرگو» قۇرامىنداعى «جەتىسۋ ەنەرگياسى» جشس-ى جۇزەگە اسىرۋدا. قۇرىلىس جۇمىستارىنا جەرگىلىكتى جەردەن 300 ادام جۇمىلدىرىلعان، جوبا ىسكە قوسىلعان كەيىن تۇراقتى 14 جۇمىس ورنى قۇرىلادى.
كومپانيا ماماندارىنىڭ مالىمەتى بويىنشششا جەس جىلىنا 225 750 مىڭ كۆتساع. ەلەكتر ەنەرگياسىن وندىرەدى دەپ كۇتىلۋدە. قوندىرعىلار ىستىق-سۋىققا ءتوزىمدى، 10 باللعا دەيىن جەر سىلكىنىسىنە توتەپ بەرە الادى.
ساراپشىلاردىڭ ايتۋىنشا، قازاقستاننىڭ بالالامالى قۋات كوزدەرىن پايدالانۋداعى الەۋەتى زور. جالپى «جاسىل» ەنەرگەتيكاعا كوشۋ، «جاسىل» تەحنولوگيالاردى ەنگىزۋ – جاھاننىڭ دامىعان ەلدەرى بەت بۇرىپ جاتقان باعىت.
«سامۇرىق-ەنەرگو» ماماندارىنىڭ باعالاۋىنشا الماتى وبلىسىندا ەلەكتر ەنەرگياسىنىڭ نەگىزگى كوزدەرى – الماتى جەو-لارى، قاپشاعاي جانە الماتى سەس-ىنىڭ كاسكادتارى، ەسىك سەس-ى، مويناق سەس-ى، قاراتال سەس-ى.
وزىندە ءوندىرۋشى قۋات كوزدەرى جەتىسپەگەندىكتەن، وبلىستىڭ ەلەكتر ەنەرگياسىنا دەگەن قاجەتتىلىگى قولدا بار ەنەرگيا كوزدەرىمەن 50-عا عانا قامتاماسىز ەتىلەدى. جەل ەنەرگياسى رەسۋرستارىنىڭ الەۋەتى جوعارى وڭىردە جەل ەلەكتر ستانسياسىن پايدالانۋعا بەرۋ قورشاعان ورتانى لاستاۋ مولشەرىن تومەندەتىپ، وڭىردەگى ەلەكتر ەنەرگياسىنا دەگەن تاپشىلىقتى ءىشىنارا شەشۋگە مۇمكىندىك بەرەدى.
ايتا كەتەلىك شەلەك ءدالىزى الماتىدان 150 شاقىرىم جەردە، ىلە الاتاۋى مەن جەتىسۋدىڭ تاۋلى سىلەمدەرىنىڭ اراسىندا ورنالاسقان. جەل الەۋەتى وتە جوعارى، جىلدامدىعى - 50 مەترلىك بيىكتىكتە 7،8 م/س، جەل اعىنىنىڭ تىعىزدىعى 510 ۆت شارشىمەتردى قۇرايدى. بۇل ساعاتىنا 3200 كۆت ەلەكتر ەنەرگياسىن وندىرۋگە مۇمكىندىك بەرەدى.
