Almaty oblysy: Amanattyqtar tasqynnan zardap shekken aımaqtarǵa 1 myńnan asa aıaq kıim joldady

Jarbol Kentuly 02 sáý. 2024 21:41 959

«AMANAT» partıasy sý tasqynynan zıan shekkenderge alǵashqylardyń biri bolyp kómek qolyn sozyp, gýmanıtarlyq kómek jınaýdy bastap ketti, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Almaty oblysynda sý tasqyny bolǵan óńirlerge kómek jınaý qyzý júrip jatyr. Búgin ıgi bastamaǵa oblystyq AMANAT partıasynyń músheleri qosyldy.

– Birneshe óńirdi sý alyp jatqandyǵy barshamyzdyń qabyrǵamyzdy qaıystyryp otyr. Elimiz úshin, halqymyz úshin qoldan kelgen kómekti aıanyp qalmaımyz. Zardap shekken aımaqtardaǵy áriptesterimizben habarlasyp, qandaı qajetti qural jabdyqtar kerek ekenin suradyq. Olardyń birinshi suranysy – rezeńke aıaq kıim. Partıalastar men depýtattyq fraksıa músheleri 1 myńnan asa rezeńke etik jınap, alǵashqy kómek legin bastady, – dedi «AMANAT» partıasy Almaty oblystyq fılıaly tóraǵasynyń orynbasary Aslan Kýbentaev.

Aıta ketý kerek, tabıǵı apat aımaǵyndaǵy turǵyndarǵa kómek qolyn sozamyn degen volonterler men oblys turǵyndary úshin «Alataý jastary» KMM oblystyq volonterlik shtaby saǵat 09:00-den 18:30-ge deıin jumys isteıdi. Osy ýaqyt aralyǵynda óńir turǵyndary halyqqa qajetti zattardy alyp kelip, ótkize alady. Qabyldaý pýnkti Qonaev qalasyndaǵy Sentralnaıa kóshesindegi 19 úıde ornalasqan.


Usynylǵan
Sońǵy jańalyqtar
x