«AMANAT» partiiasy sý tasqynynan ziian shekkenderge alǵashqylardyń biri bolyp kómek qolyn sozyp, gýmanitarlyq kómek jinaýdy bastap ketti, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Almaty oblysynda sý tasqyny bolǵan óńirlerge kómek jinaý qyzý júrip jatyr. Búgin igi bastamaǵa oblystyq AMANAT partiiasynyń músheleri qosyldy.
– Birneshe óńirdi sý alyp jatqandyǵy barshamyzdyń qabyrǵamyzdy qaiystyryp otyr. Elimiz úshin, halqymyz úshin qoldan kelgen kómekti aianyp qalmaimyz. Zardap shekken aimaqtardaǵy áriptesterimizben habarlasyp, qandai qajetti qural jabdyqtar kerek ekenin suradyq. Olardyń birinshi suranysy – rezeńke aiaq kiim. Partiialastar men depýtattyq fraktsiia músheleri 1 myńnan asa rezeńke etik jinap, alǵashqy kómek legin bastady, – dedi «AMANAT» partiiasy Almaty oblystyq filialy tóraǵasynyń orynbasary Aslan Kýbentaev.
