Májilis depýtaty Abzal Quspan munai kompaniialaryn tekserýge qatysty zańdaǵy qaishylyqtar máselesin kóterdi. Ol Ekologiialyq kodeks pen Kásipkerlik kodeks arasyndaǵy sáikessizdik saldarynan ekologiialyq zańbuzýshylyqtar úshin salynǵan aiyppul kúshin joiyp jatqanyn aitty, dep habarlaidy dalanews.kz.
Depýtattyń sózinshe, 2015 jyly qabyldanǵan Kásipkerlik kodekste kásipkerlik sýbektilerin tekserý týraly bir ai buryn eskertý normasy engizilgen. Sonyń saldarynan batys óńirlerinde munai qaldyqtaryn tógý boiynsha jaýapkershilikke tartý qiyndaǵan.
"Munai baǵymyz da, sorymyz da. Búkil Qazaqstandy asyrap otyrǵany ne kerek, batys óńiriniń jurtshylyǵy osy munaidyń zardabyn tartýdai-aq tartyp otyr", - dedi ol.
Abzal Quspan mysal retinde 2024 jyly "Mańǵystaýmunaigaz" kompaniiasyna Kaspiige munai qaldyqtaryn tókti degen aiyppen salynǵan 32 milliard teńge aiyppul Joǵarǵy sot sheshimimen kúshin joiǵann aitty. Sebebi tekserý týraly aldyn ala eskertý berilmegen.
Osy saýalǵa jaýap bergen depýtat Edil Jańbyrshin ekologiialyq baqylaý tetikterin Kásipkerlik kodeksten Ekologiialyq kodekske kóshirý jumystary júrgizilip jatqanyn málimdedi.
Edil Jańbyrshinniń sózinshe, qazir Úkimetpen birge bul normalardy qaita qaraý jumystary júrip jatyr. Másele zań jobasynyń ekinshi oqylymyna deiin sheshilýi múmkin.
