Ekologiialyq inspektorlarǵa prokýratýrany eskertpei tekserý júrgizýge quqyq berý týraly túzetý Májiliste qyzý talqylandy, dep habarlaidy dalanews.kz.
Májilis depýtaty Aidarbek Qojanazarov Ekologiialyq kodeks jobasyn talqylaý kezinde jumys toby ekologiialyq inspektorlarǵa prokýratýra organdaryn aldyn ala habardar etpei tekserý júrgizýge múmkindik beretin túzetýdi qabyldaǵanyn aitty. Onyń sózinshe, bul norma Úkimet tarapynan qoldaý tappaǵan. Depýtat 2025 jylǵy 7 qarashadaǵy Úkimet qorytyndysynda túzetýge qarsy ustanym naqty kórsetilgenin atap ótti. Soǵan qaramastan jumys toby ony qabyldap jibergen.
Qojanazarov Agrarlyq komitet bul máseleni jan-jaqty qarap, túzetýge bailanysty eleýli alańdaýshylyq bildirgenin aitty. Onyń pikirinshe, memlekettik ekologiialyq baqylaýdyń Kásipkerlik kodeksten shyǵarylyp, Ekologiialyq kodekske aýystyrylýynyń ózi bizneske arnalǵan qorǵanys tetikterin álsiretken. Al endi prokýratýrany eskertýsiz tekserý quqyǵyn engizý jaǵdaidy odan ári kúrdelendirýi múmkin.
Depýtat mundai ózgeris Kásipkerlik kodekstiń 144-babyna qaishy keletinin málimdedi. Sebebi atalǵan bapta jospardan tys tekserýler tek prokýratýranyń sanktsiiasy nemese habarlamasy arqyly júrgiziletini kórsetilgen. Onyń aitýynsha, bul jerde qosarlanǵan táýekel týyndap otyr: aldymen ekologiialyq baqylaý Kásipkerlik kodekstegi jalpy kepildikterden shyǵaryldy, endi múlde eskertý tártibin alyp tastaý usynylýda.
Qojanazarov mundai norma quqyqtyq kolliziia týyndatyp, baqylaý-qadaǵalaý salasyndaǵy biryńǵai tártipti buzatynyn aitty. Sonymen qatar ol túzetýdiń jemqorlyq táýekelderin kúsheitýi múmkin ekenin de atap ótti.
Depýtattyń pikirinshe, eń aldymen fermerler men aýyl sharýashylyǵy óndirýshileri zardap shegýi yqtimal. Onyń aitýynsha, sharýashylyq aýmaǵynda kiiktiń ólimi, shegirtkege qarsy himiialyq óńdeý jumystary nemese kóńdi ýaqytynda tazalamaý siiaqty kez kelgen jaǵdai jospardan tys tekserýge sebep bolýy múmkin. Mundai múmkindikti josyqsyz adamdar men psevdoblogerler qysym kórsetý nemese bopsalaý quraly retinde paidalanýy yqtimal ekenin aitty.
Osyǵan bailanysty Agrarlyq komitet túzetýdi qaita qaraýdy usynyp otyr. Depýtattar jospardan tys ekologiialyq tekserýler prokýratýranyń mindetti sanktsiiasymen nemese habarlamasymen ǵana júrgizilýi kerek dep esepteidi. Qojanazarov bul norma kásipkerlerdiń quqyqtaryn qorǵaýǵa qatysty konstitýtsiialyq qaǵidattarǵa tolyq sáikes bolýy tiis ekenin atap ótti.
