Óńirde injenerlik infraqurylymdy jańǵyrtý jónindegi Prezident tapsyrmalary júieli oryndalyp keledi. Keiingi 3 jylda sý burý júiesiniń úzdiksiz qyzmetin uiymdastyrý maqsatynda naqty ister atqaryldy. Máselen, búgin 150 myń tutynýshyny qamtityn №18A káriz-sorǵy stansasy qaita jańǵyrtýdan soń iske qosyldy. Saltanatty rásimge aimaq basshysy Nariman Tóreǵaliev qatysty, dep habarlaidy dalanews.kz.
2023 jyly jasaqtalǵan jol kartasyna sáikes Oral qalasynda negizgi júktemeni kóteretin 8 iri stansany jóndeý josparlansa, sonyń altaýy jańǵyrtyldy. №1 jáne №29 káriz-sorǵy stansalaryn jóndeý jumystary jyl sońyna deiin aiaqtalady. Atalǵan 8 jobaǵa biýdjetten 12,3 mlrd teńge qarjy qarastyryldy. Nátijesinde káriz júiesiniń tozý deńgeii 63 paiyzdan 55 paiyzǵa túsedi. 366 myńnan astam tutynýshy turaqty sý burý qyzmetimen qamtylady.
Oblys ákimi jańa nysannyń áleýeti jáne jumysshylarǵa jasalǵan jaǵdaimen tanysty. Nariman Tóreǵaliev qýaty tómen, kishi sorǵy stansalary da kezeń-kezeńimen jóndeletinin jetkizdi.
