ٶڭٸردە ينجەنەرلٸك ينفراقۇرىلىمدى جاڭعىرتۋ جٶنٸندەگٸ پرەزيدەنت تاپسىرمالارى جٷيەلٸ ورىندالىپ كەلەدٸ. كەيٸنگٸ 3 جىلدا سۋ بۇرۋ جٷيەسٸنٸڭ ٷزدٸكسٸز قىزمەتٸن ۇيىمداستىرۋ ماقساتىندا ناقتى ٸستەر اتقارىلدى. مەسەلەن, بٷگٸن 150 مىڭ تۇتىنۋشىنى قامتيتىن №18ا كەرٸز-سورعى ستانساسى قايتا جاڭعىرتۋدان سوڭ ٸسكە قوسىلدى. سالتاناتتى رەسٸمگە ايماق باسشىسى ناريمان تٶرەعاليەۆ قاتىستى, دەپ حابارلايدى dalanews.kz.
2023 جىلى جاساقتالعان جول كارتاسىنا سەيكەس ورال قالاسىندا نەگٸزگٸ جٷكتەمەنٸ كٶتەرەتٸن 8 ٸرٸ ستانسانى جٶندەۋ جوسپارلانسا, سونىڭ التاۋى جاڭعىرتىلدى. №1 جەنە №29 كەرٸز-سورعى ستانسالارىن جٶندەۋ جۇمىستارى جىل سوڭىنا دەيٸن اياقتالادى. اتالعان 8 جوباعا بيۋدجەتتەن 12,3 ملرد تەڭگە قارجى قاراستىرىلدى. نەتيجەسٸندە كەرٸز جٷيەسٸنٸڭ توزۋ دەڭگەيٸ 63 پايىزدان 55 پايىزعا تٷسەدٸ. 366 مىڭنان استام تۇتىنۋشى تۇراقتى سۋ بۇرۋ قىزمەتٸمەن قامتىلادى.
وبلىس ەكٸمٸ جاڭا نىساننىڭ ەلەۋەتٸ جەنە جۇمىسشىلارعا جاسالعان جاعدايمەن تانىستى. ناريمان تٶرەعاليەۆ قۋاتى تٶمەن, كٸشٸ سورعى ستانسالارى دا كەزەڭ-كەزەڭٸمەن جٶندەلەتٸنٸن جەتكٸزدٸ.
