«Raiymbek batyr» stantsiiasynda metropolitenniń zamanaýi qaýipsizdik standarttaryna sáikes keletin jańa ýaqytsha qorshaýlar ornatyldy, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Olar eki negizgi qyzmet atqarady – jolaýshylar úshin qorǵanys quraly bolyp tabylady jáne jarnamalyq plakattardy ilýge paidalanylady.
Qazirgi ýaqytta bul qorshaýlardyń jel júktemesine tózimdiligi tekserilip jatyr. Barlyq qajetti synaqtardan ótkennen keiin osyndai qorshaýlar metronyń basqa stantsiialarynda da ornatylatyn bolady.
Sonymen qatar, metropoliten ókilderi buryn ornatylǵan temir qorshaýlardyń da tekserilip jatqanyn, qajet bolǵan jaǵdaida olardyń alynatynyn atap ótti.
– Almaty metropoliteni jolaýshylardyń jailylyǵy úshin infraqurylymdy jetildirýge árdaiym umtylady. Bul sheshim avtomattandyrylǵan platformalyq esikter (screen doors) ornatylǵanǵa deiingi ýaqytsha shara bolyp tabylady. Barlyq jumystar kásiporynnyń óz qarajaty esebinen, biýdjet qarajatyn tartpai júrgizilýde, – dep habarlady metropolitenniń baspasóz qyzmeti.
