10 tamyzdan bastap Almaty-Minsk jańa halyqaralyq baǵyty iske qosylady. Bul týraly QR KM Azamattyq aviatsiia komiteti málim etti,- dep habarlaidy Dalanews.kz
"Aǵymdaǵy jyldyń 10 tamyzynan bastap "SCAT" qazaqstandyq áýe kompaniiasy Almaty-Minsk jańa halyqaralyq baǵyty boiynsha aptasyna 2 reis jiiligimen (sársenbi jáne jeksenbi) tikelei turaqty jolaýshylar reisterin oryndaýdy bastaidy", - delingen habarlamada.
Qazirgi ýaqytta Minskige reisterdi Astana qalasynan Belarýs «Belavia» áýe kompaniiasy aptasyna 4 reis jiiligimen oryndaidy.
Osylaisha, Qazaqstan men Belarýs arasyndaǵy turaqty jolaýshylar reisteriniń jalpy sany aptasyna 6 reiske deiin artady.
Áýe qatynasynyń ashylýy eki el arasyndaǵy týristik, saýda-ekonomikalyq jáne iskerlik yntymaqtastyqty odan ári damytýǵa yqpal etetin bolady.
