10 تامىزدان باستاپ الماتى-مينسك جاڭا حالىقارالىق باعىتى ىسكە قوسىلادى. بۇل تۋرالى ق ر كم ازاماتتىق اۆياسيا كوميتەتى ءمالىم ەتتى،- دەپ حابارلايدى Dalanews.kz
"اعىمداعى جىلدىڭ 10 تامىزىنان باستاپ "SCAT" قازاقستاندىق اۋە كومپانياسى الماتى-مينسك جاڭا حالىقارالىق باعىتى بويىنشا اپتاسىنا 2 رەيس جيىلىگىمەن (سارسەنبى جانە جەكسەنبى) تىكەلەي تۇراقتى جولاۋشىلار رەيستەرىن ورىنداۋدى باستايدى"، - دەلىنگەن حابارلامادا.
قازىرگى ۋاقىتتا مينسكىگە رەيستەردى استانا قالاسىنان بەلارۋس «بەلاۆيا» اۋە كومپانياسى اپتاسىنا 4 رەيس جيىلىگىمەن ورىندايدى.
وسىلايشا، قازاقستان مەن بەلارۋس اراسىنداعى تۇراقتى جولاۋشىلار رەيستەرىنىڭ جالپى سانى اپتاسىنا 6 رەيسكە دەيىن ارتادى.
اۋە قاتىناسىنىڭ اشىلۋى ەكى ەل اراسىنداعى تۋريستىك، ساۋدا-ەكونوميكالىق جانە ىسكەرلىك ىنتىماقتاستىقتى ودان ءارى دامىتۋعا ىقپال ەتەتىن بولادى.
