Almaty oblysynda jol apatynan jeti adam qaza tapty. Olardyń beseýi sportshy, dep habarlaidy Dalanews.kz.
Bul týraly Ulttyq sýrdlimpiialyq komitettiń vitse-prezidenti jáne Jol qozǵalysy qaýipsizdigi qaýymdastyǵynyń basshysy Arsen Shakýov habarlady. Onyń sózinshe, búgin túnde fýtboldan estý qabileti nashar ardagerler týrnirinen oralǵan ardagerler jol apatyna ushyrap, sol jerden 5 sport ardageri qaza tapqan.
Sonymen qatar, júrgizýshi men taǵy bir jolaýshy qaitys boldy.
Arsen Shakýov qaza tapqan sportshylardyń esimin atady.
-
Asyl Ibraimov – estý qabileti tómen sportshylar arasyndaǵy fýtbol jattyqtyrýshysy.
-
Dmitrii Mochalskii – shahmattan Sýrdlimpiada chempiony, estý qabileti tómen sportshylar arasyndaǵy Eýropa chempiony.
-
Sáken Smaǵulov – estý qabileti tómen fýtbol ardageri, ulttyq quramanyń múshesi.
-
Sergei Volkovinskii – estý qabileti tómen fýtbol ardageri, ulttyq quramanyń múshesi.
-
Serik Moldashev – estý qabileti tómen fýtbol ardageri, ulttyq quramanyń múshesi.
"Barlyǵynyń artynda balalary men nemereleri qaldy. Men olardy bala kezimnen jeke bilemin, bári ákemniń eń jaqyn dostary edi", - deidi Arsen Shakýov.
Eske salaiyq, qaiǵyly oqiǵa týraly búgin tańerteń habarlaǵan edik.
