Túrkiianyń Bodrým qalasyndaǵy Kempinski Hotel Barbaros Bay Bodrum qonaqúii 1999-2005 jyldary bói kótegen-di. Arada bir jyl ótkende, iaǵni, 2006 jyly dál osy qonaqúidiń 75% aktsiiasyn «QazMunaiGaz-Servis» kompaniiasy tegi túrik kásipker Orhan Iylmazdan 40,1 mln dollarǵa satyp alady.
«QazMunaiGaz» Ulttyq kompaniiasyna bul qonaqúidiń ne úshin qajet bolǵany belgisiz. Ulttyq kompaniia jyl on eki ai en dalada jumys isteitin qarapaiym munaishylardyń Túrkiiaǵa aparyp demaldyrý úshin satyp almaǵany anyq.
«QazMunaiGaz-Servis» kompaniiasy 2015 jyly Bodrýmdaǵy qonaqúidi satpaq bolyp árekettenedi. Biraq olar qymbat qonaqúidi sata almaǵan.
Budan keiin memleketik kompaniia qonaqúidegi úlesin 2016-2020 jyldary jekeshelendiretin tizimge qosqan. Bul joly da qonaqúidi eshkim satyp alýǵa asyqpaǵan. Ústimizdegi jyldyń naýryz aiynda da saýda-sattyq jalǵasqan. Biraq nátije bolmaǵan.
Osylaisha bes juldyzdy qonaq úidi satyp alatyn jan tabylmapty. Osy rette eshkimge qajeti joq mundai aktivti «QazMunaiGazdyń» enshiles kompaniiasy ne úshin satyp alǵan degen zańdy suraq týyndaidy.
Qonaqúi jaman bolǵany ma?
Internetten qaraǵan adam qonaqúi meimandardy qabyldap, qalypty jumys istep jatqanyna kóz jetike alady.
Sońǵy jyldary qonaqúidiń janynan 42 janǵa jaily liýks sanatyndaǵy rezidentsiia salynypty. Bul úshin 50 mln dollar jumsalǵan desedi. Búginde rezidentsiia men qonaqúidi Kempinski kompaniiasynyń basqarýynda.
Túrik basylymdary atalǵan jyljymaityn múlik kásipker Orhan Iylmaz ben Sera Group kompaniiasyna tiesili ekenin jazýda.
Protenge kanaly muny indete zerttegende Sera Group kompaniiasynyń Almaty áýejaiyn satyp alǵan TAV Airports Holding kompaniiasynyń basty áriptesi ekenin anyqtaǵan.
Nazarbaevtyń kúieý balasy Timýr Qulybaev Almaty áýejaiyn TAV Airports Holding satqan bolatyn. Sol kezde «Almaty áýejaiyn túriktiń kásipkerleri satyp aldy» dep jurt biraz shýlaǵan edi.
Shyndyǵynda Almaty áýejaiyn eshqandai Túrkiianyń investorlary emes, ózimizdiń kúieýbala qaita satyp alǵan ǵoi. Osylaisha iz jasyrǵan. Aqsha saýyldap túsip jatatyn mundai nysandy kiminiń kózi qiyn sheteldikke satsyn.
Munysymen qoimai memlekettik kompaniianyń aqshasyna Túrkiiadan qymbat qonaq úi satyp alyp, onysymen qoimai janynan qymbat rezidentsiia salypty. Osylaisha Qulybaev qazaqtyń en bailyǵyn ákesinen qalǵan muradai erkin paidalanǵan. Aldaǵy ýaqytta osynyń bárin elimizge qaitarý kerek.
