تٷركييانىڭ بودرۋم قالاسىنداعى Kempinski Hotel Barbaros Bay Bodrum قوناقٷيٸ 1999-2005 جىلدارى بٶي كٶتەگەن-دٸ. ارادا بٸر جىل ٶتكەندە, ياعني, 2006 جىلى دەل وسى قوناقٷيدٸڭ 75% اكتسيياسىن «قازمۇنايگاز-سەرۆيس» كومپانيياسى تەگٸ تٷرٸك كەسٸپكەر ورحان يىلمازدان 40,1 ملن دوللارعا ساتىپ الادى.
«قازمۇنايگاز» ۇلتتىق كومپانيياسىنا بۇل قوناقٷيدٸڭ نە ٷشٸن قاجەت بولعانى بەلگٸسٸز. ۇلتتىق كومپانييا جىل ون ەكٸ اي ەن دالادا جۇمىس ٸستەيتٸن قاراپايىم مۇنايشىلاردىڭ تٷركيياعا اپارىپ دەمالدىرۋ ٷشٸن ساتىپ الماعانى انىق.
«قازمۇنايگاز-سەرۆيس» كومپانيياسى 2015 جىلى بودرۋمداعى قوناقٷيدٸ ساتپاق بولىپ ەرەكەتتەنەدٸ. بٸراق ولار قىمبات قوناقٷيدٸ ساتا الماعان.
بۇدان كەيٸن مەملەكەتٸك كومپانييا قوناقٷيدەگٸ ٷلەسٸن 2016-2020 جىلدارى جەكەشەلەندٸرەتٸن تٸزٸمگە قوسقان. بۇل جولى دا قوناقٷيدٸ ەشكٸم ساتىپ الۋعا اسىقپاعان. ٷستٸمٸزدەگٸ جىلدىڭ ناۋرىز ايىندا دا ساۋدا-ساتتىق جالعاسقان. بٸراق نەتيجە بولماعان.
وسىلايشا بەس جۇلدىزدى قوناق ٷيدٸ ساتىپ الاتىن جان تابىلماپتى. وسى رەتتە ەشكٸمگە قاجەتٸ جوق مۇنداي اكتيۆتٸ «قازمۇنايگازدىڭ» ەنشٸلەس كومپانيياسى نە ٷشٸن ساتىپ العان دەگەن زاڭدى سۇراق تۋىندايدى.
قوناقٷي جامان بولعانى ما?
ينتەرنەتتەن قاراعان ادام قوناقٷي مەيمانداردى قابىلداپ, قالىپتى جۇمىس ٸستەپ جاتقانىنا كٶز جەتٸكە الادى.
سوڭعى جىلدارى قوناقٷيدٸڭ جانىنان 42 جانعا جايلى ليۋكس ساناتىنداعى رەزيدەنتسييا سالىنىپتى. بۇل ٷشٸن 50 ملن دوللار جۇمسالعان دەسەدٸ. بٷگٸندە رەزيدەنتسييا مەن قوناقٷيدٸ Kempinski كومپانيياسىنىڭ باسقارۋىندا.
تٷرٸك باسىلىمدارى اتالعان جىلجىمايتىن مٷلٸك كەسٸپكەر ورحان يىلماز بەن Sera Group كومپانيياسىنا تيەسٸلٸ ەكەنٸن جازۋدا.
Protenge كانالى مۇنى ٸندەتە زەرتتەگەندە Sera Group كومپانيياسىنىڭ الماتى ەۋەجايىن ساتىپ العان TAV Airports Holding كومپانيياسىنىڭ باستى ەرٸپتەسٸ ەكەنٸن انىقتاعان.
نازارباەۆتىڭ كٷيەۋ بالاسى تيمۋر قۇلىباەۆ الماتى ەۋەجايىن TAV Airports Holding ساتقان بولاتىن. سول كەزدە «الماتى ەۋەجايىن تٷرٸكتٸڭ كەسٸپكەرلەرٸ ساتىپ الدى» دەپ جۇرت بٸراز شۋلاعان ەدٸ.
شىندىعىندا الماتى ەۋەجايىن ەشقانداي تٷركييانىڭ ينۆەستورلارى ەمەس, ٶزٸمٸزدٸڭ كٷيەۋبالا قايتا ساتىپ العان عوي. وسىلايشا ٸز جاسىرعان. اقشا ساۋىلداپ تٷسٸپ جاتاتىن مۇنداي نىساندى كٸمٸنٸڭ كٶزٸ قيىن شەتەلدٸككە ساتسىن.
مۇنىسىمەن قويماي مەملەكەتتٸك كومپانييانىڭ اقشاسىنا تٷركييادان قىمبات قوناق ٷي ساتىپ الىپ, ونىسىمەن قويماي جانىنان قىمبات رەزيدەنتسييا سالىپتى. وسىلايشا قۇلىباەۆ قازاقتىڭ ەن بايلىعىن ەكەسٸنەن قالعان مۇراداي ەركٸن پايدالانعان. الداعى ۋاقىتتا وسىنىڭ بەرٸن ەلٸمٸزگە قايتارۋ كەرەك.
