Belgili telejúrgizýshi Láilá Sultanqyzy ánshi Almas Kishkenbaevqa qatysty aiyptaýǵa pikir bildirdi, dep jazady Dalanews.kz.
Láilá Sultanqyzy jasóspirimge tiisti degen kúdikke ilingen ánshi Almas Kishkenbaevty qoldap, onyń jaqsy tárbiemen óskenin jáne mundai iske barýy ekitalai ekenin málimdedi. Degenmen “barlyǵy tekserilip, ádil sheshim shyǵýy tiis” degen oiyn da jasyrmady.
Aita ketelik, Sultanqyzy kezinde Kishkenbaevtyń sahnaǵa shyǵýyna yqpal etken prodiýser bolǵan edi.
“Almas týraly… Shyqqan jerin biletindikten, anasyn, alǵan tárbiesin kórgendikten, óz basym jamandyqqa qimaimyn. Ras bolsa, qashyp ketpesi anyq, jaýapqa tartylady. Ótirik, jala jabylǵan bolsa, 17 jastaǵy bala ata-anasymen birge keshirim surap, is jabyla sala ma? Al airandai tógilgen Almastyń abyroiy she?, – dedi Láilá Sultanqyzy.
Aiyptaýdyń mán-jaiy
Buǵan deiin jýrnalist Mihail Kozachkov Telegram kanalynda 2007 jyly týǵan bozbalanyń politsiiaǵa shaǵym túsirgenin jazǵan. Aitýynsha, 17 jasar kýrerge keshki ýaqytta úsh bótelke syraǵa tapsyrys berilgen. Taýardy jetkizgen soń, shamamen 40 jastaǵy er adam jasóspirimdi birge ishýdi usynǵan jáne intimdik turǵyda tiisken degen derek keltirilgen.
Oqiǵaǵa bailanysty jetkinshektiń ákesi birden quqyq qorǵaý organdaryna júgingen. Keiin politsiia qyzmetkerleri ánshi Almas Kishkenbaevty bólimshege jetkizgenin rastady. Tekserý barysynda syraǵa tapsyrys bergen adam dál osy Kishkenbaev ekeni anyqtaldy, biraq onyń qylmystyq áreketke barǵany áli dáleldengen joq.
Almaty qalalyq politsiia departamenti bul oqiǵaǵa orai resmi túsinikteme berdi:
“Ákesi kámeletke tolmaǵan ulyna tiisý faktisi boiynsha aryz jazdy. Qazirgi ýaqytta tekserý júrgizilip jatyr. Barlyq mán-jaidy anyqtaý úshin azamat K. politsiiaǵa jetkizildi”.
Zańgerlerdiń pikirinshe, eger kúdiktiń rastalmaǵany anyqtalsa, Kishkenbaevtyń abyroiyn qalpyna keltirý máselesi óz aldyna bólek qaralýy múmkin. Al eger jasóspirimniń aryzyndaǵy derekter ras bolsa, ánshi zań aldynda jaýap beredi.
Almas Kishkenbaevtyń ózi ázirge eshqandai resmi málimdeme jasaǵan joq.
Istiń aq-qarasyn ajyratý úshin prodiýser Erlan Alimovke bailanysqa shyqqan edik. Alaida ol úsh ai buryn ánshimen jumys isteýin toqtatqanyn málimdedi.
