Búginde qarqyndy damý jolyna túsken Almaty qalasynyń Almaly aýdany birqatar ekonomıkalyq kórsetkish boıynsha top bastap keledi. Almaty qalasy ákimi Erbolat Dosaev aýdan turǵyndarymen kezdesýde aýdannyń jetistigin turǵyndarǵa sanamalap berdi, – dep habarlaıdy Dalanews.kz Almaty qalasy ákiminiń baspasóz qyzmetine silteme jasap.

Kezdesýdi ashqan qala basshysy turǵyndardy kele jatqan Konstıtýsıa kúnimen quttyqtap, eldiń Negizgi zańy árbir qazaqstandyq úshin mańyzdy ekenin atap, zor densaýlyq pen amandyq tiledi.

Shahar basshysy atap ótkendeı, jyl basynan beri jumys istep turǵan shaǵyn jáne orta bıznes sýbektileriniń sany 5,3% ósip, 59 669-ǵa jetti, bul 4 myńnan astam turǵyndy turaqty jumys orynmen qamtamasyz etýge múmkindik berdi.

Ónerkásip óndirisiniń kólemi 123,6 mlrd teńge bolyp, salyq túsimi jyl basynan beri 16% ósip, 225 mlrd teńgege jetti. Investısıa kólemi 5% ósip, 139,4 mlrd teńge boldy.

Aýdan búdjeti 2024 jyly 12,3 mlrd teńgege artty. 2024 jyly maýsymda búdjet taǵy 16% ulǵaıtylyp, 24,7 mlrd teńgege jetti.