Densaýlyq saqtaý birinshi vitse-ministri Timýr Sultanǵaziev Túrkistan oblysynda jeke úide bolǵan órtten aman qalǵan úsh adamnyń jaǵdaiy týraly aitty, dep habarlaidy Dalanews.kz.
Senattaǵy brifingte ol eki eresek adamnyń jaǵdaiy turaqty ekenin, olar Shymkentte em alyp jatqanyn habarlady.
"Barlyq zardap shekken adam Shymkentke jetkizildi, qajetti meditsinalyq kómektiń barlyǵy kórsetilip jatyr. Balaǵa kelsek, jaǵdaiy aýyr, óte aýyr. Almatydan mamandar qosyldy, olar úzdiksiz keńes berip otyr. Shymkentke de beiindi dárigerler kelip, emdeý taktikasyn túzetti, jaǵdaiyn baǵalady. Meditsinalyq kómektiń tolyq kólemi kórsetilip jatyr. Bul másele Densaýlyq saqtaý ministrliginiń turaqty baqylaýynda", - dedi Sultanǵaziev.
Eske salaiyq, qaiǵyly oqiǵa 18 qarashada Túrkistan oblysyna qarasty Alǵabas aýylynda bolǵan. Jeke úidegi órt saldarynan 12 adam qaza tapty, toǵyzy - balalar.
Málimetke súiensek, órtten qaza tapqan marqumdar - bir áýlettiń músheleri.
19 qarashada órtten aman qalǵan úsheýdiń biri esin jidy.
