دەنساۋلىق ساقتاۋ بٸرٸنشٸ ۆيتسە-مينيسترٸ تيمۋر سۇلتانعازيەۆ تٷركٸستان وبلىسىندا جەكە ٷيدە بولعان ٶرتتەن امان قالعان ٷش ادامنىڭ جاعدايى تۋرالى ايتتى, دەپ حابارلايدى Dalanews.kz.
سەناتتاعى بريفينگتە ول ەكٸ ەرەسەك ادامنىڭ جاعدايى تۇراقتى ەكەنٸن, ولار شىمكەنتتە ەم الىپ جاتقانىن حابارلادى.
"بارلىق زارداپ شەككەن ادام شىمكەنتكە جەتكٸزٸلدٸ, قاجەتتٸ مەديتسينالىق كٶمەكتٸڭ بارلىعى كٶرسەتٸلٸپ جاتىر. بالاعا كەلسەك, جاعدايى اۋىر, ٶتە اۋىر. الماتىدان ماماندار قوسىلدى, ولار ٷزدٸكسٸز كەڭەس بەرٸپ وتىر. شىمكەنتكە دە بەيٸندٸ دەرٸگەرلەر كەلٸپ, ەمدەۋ تاكتيكاسىن تٷزەتتٸ, جاعدايىن باعالادى. مەديتسينالىق كٶمەكتٸڭ تولىق كٶلەمٸ كٶرسەتٸلٸپ جاتىر. بۇل مەسەلە دەنساۋلىق ساقتاۋ مينيسترلٸگٸنٸڭ تۇراقتى باقىلاۋىندا", - دەدٸ سۇلتانعازيەۆ.
ەسكە سالايىق, قايعىلى وقيعا 18 قاراشادا تٷركٸستان وبلىسىنا قاراستى العاباس اۋىلىندا بولعان. جەكە ٷيدەگٸ ٶرت سالدارىنان 12 ادام قازا تاپتى, توعىزى - بالالار.
مەلٸمەتكە سٷيەنسەك, ٶرتتەن قازا تاپقان مارقۇمدار - بٸر ەۋلەتتٸڭ مٷشەلەرٸ.
19 قاراشادا ٶرتتەن امان قالعان ٷشەۋدٸڭ بٸرٸ ەسٸن جيدى.
