Bul týraly eńbek jáne halyqty áleýmettik qorǵaý mınıstri Berdibek Saparbaev málimdedi.
Úkimet úıinde ótken baspasóz máslıhatynda jýrnalıser eńbek jáne halyqty áleýmettik qorǵaý mınıstri Berdibek Saparbaevtan ataýly áleýmettik kómek týraly surady.
"Otbasynyń jan basyna shaqqandaǵy kirisi 20 789 teńgeden 10-15 teńgege asyp ketse, bul azamattar turmysy nashar otbasy sanatyna kirmeı qala ma?", - dep suraq qoıdy BAQ ókili.
Mınıstr bári zańǵa sáıkes júzege asatynyn aıtty.
"Kirmeı qalady, sebebi tártip solaı. Solaı dep belgilengen. 20 789 teńge, odan aspaý kerek. Al eger asyp ketse, tólenbeıdi", - dep qysqa qaıyrdy Saparbaev.
Aıta ketsek, Qazaqstan prezıdentiniń tapsyrmasyna sáıkes, osy jyldyń 1 shildesinen bastap ataýly áleýmettik kómek krıterııi eń tómengi kúnkóris deńgeıiniń 70 prosentine deıin kóteriledi. Iaǵnı, 14 myń 849 teńgeden 20 myń 789 teńgege deıin, eń tómengi kúnkóris deńgeıi – 29 myń 698 teńge.
Nátıjesinde ataýly áleýmettik kómekpen qamtylatyndar sany qazirgi 570 myńnan 830 myń azamatqa deıin kóbeımek.
Derekkóz: sputniknews.kz
