Álemdik naryqta munai baǵasy qaita ósip, Brent markasy barreline 107 dollardan asty, dep habarlaidy Dalanews.kz.
Saýda derekterine sáikes, tańǵy ýaqytta Brent munaiy shamamen 1,8 dollarǵa qymbattap, 107 dollarǵa jetti. Amerikalyq WTI markaly munaiy da ósim kórsetip, 95–96 dollar shamasynda saýdalandy.
Sarapshylardyń aitýynsha, naryqtaǵy ósimge Taiaý Shyǵystaǵy geosaiasi ahýal yqpal etip otyr. AQSh pen Iran arasyndaǵy kelissózderdiń nátije bermeýi jáne Ormýz buǵazy arqyly teńiz tasymalynyń shektelýi munai jetkiziliminiń qysqarýy múmkin degen alańdaýshylyqty kúsheitken. Bul óz kezeginde baǵanyń joǵarylaýyna qysym jasap otyr.
Ótken apta qorytyndysynda da munai baǵasy aitarlyqtai ósim kórsetti. Brent 16,5%-ǵa, al WTI 14,3%-ǵa qymbattaǵan.
