Reseidiń tabiǵi gazyn Qazaqstanǵa jetkizý kólemi aldaǵy úsh jylda jylyna 12 mlrd tekshe metrge deiin ulǵaiýy yqtimal, dep habarlaidy Dalanews.kz.
Oilgazkz sarapshylarynyń sózinshe, 2025 jylǵy qyrkúiektiń basynda «Gazprom» basshysy Aleksei Miller jáne Qazaqstannyń birinshi vitse-premeri Roman Skliar 2025–2026 jyldary Resei gazyn jetkizý kólemin arttyrý týraly kelisimge qol qoiǵan edi. Ol kezde naqty kórsetkishter jariialanbaǵan. Al keshe Resei federatsiiasynyń Memlekettik dýmasy men Qazaqstan Májilisi arasyndaǵy yntymaqtastyq jónindegi aralas komissiia otyrysynyń qorytyndysy boiynsha jariialanǵan málimdemede naqty boljam jariialandy:
«Yntymaqtastyq áleýeti joǵary: eger 2024 jyly jetkizý kólemi jylyna 3,8 mlrd tekshe metr bolsa, 2028 jylǵa qarai onyń 12 mlrd tekshe metrge deiin ósýi múmkin».
Málimdemede sondai-aq 2025 jyldyń qazan aiynda Reseiden Qazaqstanǵa jańa magistraldyq gaz qubyry qurylysynyń jobasyn júzege asyrý týraly memorandýmǵa qol qoiylǵany aitylǵan. Bul joba reseilik qubyrlyq gaz eksportyn qaita baǵyttaý isinde mańyzdy ról atqarýy múmkin.
Qazir «Gazprom» Qazaqstannyń Batys Qazaqstan, Qostanai jáne Aqtóbe oblystarynyń tutynýshylaryn gazben qamtýǵa qatysady. RF Memlekettik dýmasynyń habarlaýynsha, Resei gazyn jetkizý kólemi Qazaqstan Respýblikasynyń ósip kele jatqan qajettiligine sáikes ulǵaiyp jatyr.
