Túrkistan oblysynyń ákimi Darhan Satybaldy Qytai Halyq Respýblikasynyń IT kompaniia ókilderimen halyqaralyq tehnologiialyq parkti qurý jóninde mańyzdy kelissózder júrgizdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bul kelissózder nátijesinde qurylysy josparlanyp otyrǵan tehnologiialyq park aimaqtyń ekonomikalyq jáne indýstriialyq damýy úshin strategiialyq mańyzdy jobalardyń birine ainalmaq. Joba sheńberinde elektronika, kompiýterlik jabdyqtar, elektr jabdyqtary, optikalyq kabelder, turmystyq tehnika jáne elektromobilderdi jóndeý men tehnikalyq qyzmet kórsetý oryndaryn, sondai-aq elektromobilderge arnalǵan qýattaý stantsiialaryn qurý kózdelip otyr. Osy arqyly IT salasynda Túrkistannyń óz brendi qalyptaspaq.
Sonymen qatar tehnologiialyq parktiń quramynda osy ónimderge qyzmet kórsetý ortalyqtary men kadrlardy oqytý jáne damytý ortalyqtary da jumys istemek. Bul innovatsiialyq ortalyq aimaqtaǵy joǵary tehnologiialar salasyn damytýǵa yqpal etip, jergilikti mamandardy daiarlaýda mańyzdy ról atqarady.
Tehnologiialyq park tek óndiristik qýattylyqty arttyrýmen shektelmei, aimaqty jańa tehnologiialyq innovatsiialardyń ortalyǵyna ainaldyrýǵa, sheteldik investitsiialardy tartýǵa jáne óńirdegi ekonomikalyq kórsetkishterdi jaqsartýǵa septigin tigizedi. Joba júzege asqan jaǵdaida, jańa jumys oryndary ashylyp, jergilikti turǵyndar úshin turaqty ekonomikalyq múmkindik týyndaidy.
