تۇركىستان وبلىسىنىڭ اكىمى دارحان ساتىبالدى جۇڭگو حالىق رەسپۋبليكاسىنىڭ IT كومپانيا وكىلدەرىمەن حالىقارالىق تەحنولوگيالىق پاركتى قۇرۋ جونىندە ماڭىزدى كەلىسسوزدەر جۇرگىزدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇل كەلىسسوزدەر ناتيجەسىندە قۇرىلىسى جوسپارلانىپ وتىرعان تەحنولوگيالىق پارك ايماقتىڭ ەكونوميكالىق جانە يندۋستريالىق دامۋى ءۇشىن ستراتەگيالىق ماڭىزدى جوبالاردىڭ بىرىنە اينالماق. جوبا شەڭبەرىندە ەلەكترونيكا، كومپيۋتەرلىك جابدىقتار، ەلەكتر جابدىقتارى، وپتيكالىق كابەلدەر، تۇرمىستىق تەحنيكا جانە ەلەكتروموبيلدەردى جوندەۋ مەن تەحنيكالىق قىزمەت كورسەتۋ ورىندارىن، سونداي-اق ەلەكتروموبيلدەرگە ارنالعان قۋاتتاۋ ستانسيالارىن قۇرۋ كوزدەلىپ وتىر. وسى ارقىلى ءىت سالاسىندا تۇركىستاننىڭ ءوز برەندى قالىپتاسپاق.
سونىمەن قاتار تەحنولوگيالىق پاركتىڭ قۇرامىندا وسى ونىمدەرگە قىزمەت كورسەتۋ ورتالىقتارى مەن كادرلاردى وقىتۋ جانە دامىتۋ ورتالىقتارى دا جۇمىس ىستەمەك. بۇل يننوۆاسيالىق ورتالىق ايماقتاعى جوعارى تەحنولوگيالار سالاسىن دامىتۋعا ىقپال ەتىپ، جەرگىلىكتى مامانداردى دايارلاۋدا ماڭىزدى ءرول اتقارادى.
تەحنولوگيالىق پارك تەك وندىرىستىك قۋاتتىلىقتى ارتتىرۋمەن شەكتەلمەي، ايماقتى جاڭا تەحنولوگيالىق يننوۆاسيالاردىڭ ورتالىعىنا اينالدىرۋعا، شەتەلدىك ينۆەستيسيالاردى تارتۋعا جانە وڭىردەگى ەكونوميكالىق كورسەتكىشتەردى جاقسارتۋعا سەپتىگىن تيگىزەدى. جوبا جۇزەگە اسقان جاعدايدا، جاڭا جۇمىس ورىندارى اشىلىپ، جەرگىلىكتى تۇرعىندار ءۇشىن تۇراقتى ەكونوميكالىق مۇمكىندىك تۋىندايدى.
