Halyqty sapaly komýnaldyq qyzmettermen qamtamasyz etý maqsatynda 2026 jylǵa deıin Aqtaý qalasynyń 25 shaǵynaýdanyn 5 aımaqqa bóle otyryp, 919 shaqyrym ınjenerlik jelilerdi, ıaǵnı sý qubyryn, kárizdi, jylytýdy jańǵyrtý josparlanǵan.
Búgingi tańda 19 jobany qarjylandyrý máseleleri qarastyrylýda, 1 kezeń boıynsha jobanyń jalpy quny – 20,4 mlrd teńge.
Onyń ishinde sý qubyry boıynsha – 6 joba, káriz qubyry boıynsha – 6 joba, káriz tazartý stansıalary boıynsha – 6 joba jáne jylýmen jabdyqtaý jelileri boıynsha – 1 jobany júzege asyrý josparlanǵan.
– Bıyl Aqtaý qalasynyń 3a, 3b shaǵyn aýdandarynda jáne aýrýhana qalashyǵynda jylý jelilerin qaıta jańartý bastalyp, jalpy uzyndyǵy 10,2 shaqyrym bolatyn ınjenerlik jeliler jańǵyrtylady. Ol úshin respýblıkalyq búdjetten 3,3 mlrd teńge bólinip, merdiger anyqtaldy. Qalǵan shaǵynaýdandardy jańartý boıynsha jumystar kezeń-kezeńimen júrgiziletin bolady, – dedi óńir basshysy Nurlan Noǵaev.
