حالىقتى ساپالى كوممۋنالدىق قىزمەتتەرمەن قامتاماسىز ەتۋ ماقساتىندا 2026 جىلعا دەيىن اقتاۋ قالاسىنىڭ 25 شاعىناۋدانىن 5 ايماققا بولە وتىرىپ، 919 شاقىرىم ينجەنەرلىك جەلىلەردى، ياعني سۋ قۇبىرىن، كارىزدى، جىلىتۋدى جاڭعىرتۋ جوسپارلانعان.
بۇگىنگى تاڭدا 19 جوبانى قارجىلاندىرۋ ماسەلەلەرى قاراستىرىلۋدا، 1 كەزەڭ بويىنشا جوبانىڭ جالپى قۇنى – 20،4 ملرد تەڭگە.
ونىڭ ىشىندە سۋ قۇبىرى بويىنشا – 6 جوبا، كارىز قۇبىرى بويىنشا – 6 جوبا، كارىز تازارتۋ ستانسيالارى بويىنشا – 6 جوبا جانە جىلۋمەن جابدىقتاۋ جەلىلەرى بويىنشا – 1 جوبانى جۇزەگە اسىرۋ جوسپارلانعان.
– بيىل اقتاۋ قالاسىنىڭ 3ا، 3ب شاعىن اۋداندارىندا جانە اۋرۋحانا قالاشىعىندا جىلۋ جەلىلەرىن قايتا جاڭارتۋ باستالىپ، جالپى ۇزىندىعى 10،2 شاقىرىم بولاتىن ينجەنەرلىك جەلىلەر جاڭعىرتىلادى. ول ءۇشىن رەسپۋبليكالىق بيۋدجەتتەن 3،3 ملرد تەڭگە ءبولىنىپ، مەردىگەر انىقتالدى. قالعان شاعىناۋدانداردى جاڭارتۋ بويىنشا جۇمىستار كەزەڭ-كەزەڭىمەن جۇرگىزىلەتىن بولادى، – دەدى ءوڭىر باسشىسى نۇرلان نوعايەۆ.
