Alakólde tolqyndarǵa tótep beretin qorǵanys bógetteri salynýda
Ótken jyly bastalǵan kól jaǵalaýyn nyǵaitý jumystary aǵymdaǵy jyly aiaqtalyp, nátijesinde Alakóldiń uzyndyǵy 13,55 shaqyrym jaǵalaýy (Aqshi aýylynyń 10,150 shaqyrymy men Kóktuma aýylynyń 3,4 shaqyrymy) biiktigi 3 metrlik tolqyndarǵa tótep beretin qorǵanys bógetterimen bekitiletin bolady.
Atqarylatyn jumystardy tarqatar bolsaq:
Kóldiń litodinamikalyq júiesin saqtai otyryp, jaǵalaýdyń odan ári buzylýyn boldyrmaý jáne osy aýmaqtyń rekreatsiialyq tartymdylyǵyn arttyrý maqsatynda, Aqshi men Kóktumadaǵy ǵimarattar men qurylystardy paidalaný kezindegi qaýipsizdikti qamtamasyz etý jobasy iske asyrylatyn bolady. Joba negizinde jasandy jaǵajailar qurylyp, kóldiń jaǵalaýy nyǵaitylady. Al jaiaý júrginshiler jaǵalaýynyń qurylysy Aqshi men Kóktuma aýmaǵynda ornalasqan demalys aimaqtarynyń rekreatsiialyq áleýeti men tartymdylyǵyn aitarlyqtai jaqsarta túspek. Bul óz kezeginde aimaqtyń ekonomikalyq damýy, sondai-aq, Alakól aimaǵyndaǵy áleýmettik – ekonomikalyq jaǵdaidy jaqsartý bolyp tabylady.
Jaǵalaýdaǵy qorǵanys bógeti biiktigi 3 metrlik tolqyndarǵa tótep berýge arnalǵan. Bul jasandy bóget maltatas jaǵajaiynyń qalyptasýyna bailanysty bolmaq. Jasandy maltatas jaǵajai – bul eń tiimdi jáne qymbat emes jaǵalaýdy nyǵaitý qurylymy bolyp sanalady. Sonymen qatar, jaǵalaý aimaǵynda tabiǵi sý almasý saqtalady, sý óziniń tazalyǵy men móldirligin saqtaidy.
Osy tusta aita ketetin bolsaq, búginde aidyndy Alakólde 264 demalys orny jumys isteidi. Olar kúnine 23 366 týristi qabyldap, qyzmet kórsetýge qaýqarly. Mamandardyń aitýynsha, demalýshylardyń sany 798,5 myń adamǵa jetip otyr. Demalýshylarǵa 4 mlrd. 790 mln. teńgeniń qyzmeti kórsetilgen.
