Jetisý oblysynda Alakólde júzý quraldarynyń baqylaýsyz qozǵalysy máselesi sheshildi. Osy máseleni retteý úshin jalpy sý paidalaný qaǵidalary bekitildi, onda tiisti túsiniktemeler berilip, sý aidynyndaǵy qaýipsizdik qaǵidalarynyń talaptaryn saqtamaǵandarǵa jaýapkershilik belgilenetini atap kórsetilgen. Kóliktik baqylaý inspektorlarynyń sany jáne tiisinshe shaǵyn kólemdi sý quraldarynyń qatary da artpaq. Sonymen qatar jazǵy shomylý maýsymy barysynda kól jaǵalaýynyń sanitarlyq jaǵdaiyna erekshe nazar aýdarylatyn bolady,- dep habarlaidy Dalanews.kz
Óńirdegi týrizm salasyn damytýdyń osy jáne basqa da ózekti máseleleri oblys ákiminiń orynbasary Áset Qanaǵatovtyń tóraǵalyǵymen ótken keńeitilgen keńeste talqylandy. Jiynǵa birqatar basqarmalardyń, politsiia, tótenshe jaǵdai departamentteriniń basshylary, aýdan-qala ákimderi onlain bailanysqa qosyldy. Atap aitqanda, Alakól jáne Balqash kólderindegi týristik shomylý maýsymyna daiyndyq, demalýshylardyń qaýipsizdigin, týrizm obektilerine kólikpen barýdyń qoljetimdiligin jáne birqatar mańyzdy infraqurylymdyq jobalardyń iske asyrylý barysyn qamtamasyz etýge basa nazar aýdaryldy.
Á. Qanaǵatovtyń aitýynsha, ótken jyldyń qorytyndysy boiynsha óńirde qabyldanǵan sharalardyń arqasynda Jetisý oblysyna 2 mln. týrist kelgen, bul 2023 jylmen salystyrǵanda 11,1%-ǵa artyq. Bul rette sheteldik týrister sany 63,6%-ǵa ósti.
- Týrizm salasyn damytý Memleket basshysynyń erekshe baqylaýynda. Jetisý oblysynyń ekonomikasy úshin mańyzdy sanalatyn salany damytý 5 basty baǵytqa negizdelgen. Olar - Alakól jáne Balqash kólderi, «Altynemel», «Jońǵar Alataýy» ulttyq tabiǵi parkteri, Jetisý Alataýynyń taý jotalary. Qyzmet kórsetý sapasyn jaqsartý jáne týrister úshin qolaily jaǵdai jasaý úshin jol jáne injenerlik infraqurylym salý baǵytynda birqatar sharalar qabyldanyp jatyr, - degen oblys ákiminiń orynbasary óńirde týrizm obektilerine kólikpen jetý múmkindikterin damytý jumystaryna egjei-tegjeili toqtaldy.
Atap aitqanda, Taldyqorǵan qalasynan Alakól jaǵalaýyna deiingi joldy jáne «Úsharal – Dostyq» jolyn qalpyna keltirý jumystary tolyǵymen aiaqtaldy. Úsharal qalasyndaǵy áýejaidyń ushý-qoný jolaǵy qaita jańartyldy. Alakól baǵytyna Astana, Almaty, Óskemen, Semei, Qyzylorda qalalarynan 12 poiyz qatynaidy. Lepsi-Balqash avtomobil jolynyń jóndeý jumystary jáne basqa da birqatar infraqurylymdyq jobalar aiaqtaldy. Sh. Ýálihanov murajai keshenine rekonstrýktsiia júrgizilip, obektige deiingi jol jóndeldi. Sondai-aq uzyndyǵy 20 km «Topolevka – Jalańash kordony» jolyna ortasha jóndeý jumystary júrgizildi. Sonymen qatar respýblikalyq biýdjetten Jetisý ólkesiniń taǵy bir injý-marjany – Burqanbulaq sarqyramasyna deiin jol salýǵa qarajat bólindi.
Óńirde týrizmdi damytý baǵytynda atqarylǵan jumystar men aldaǵy josparlar týraly baiandaǵan oblystyq kásipkerlik jáne indýstriialyq-innovatsiialyq damý basqarmasy basshysynyń orynbasary Daniiar Ysqaqov 2024 jyly Jetisý oblysynda demalys oryndaryndaǵy tósek-oryn sany 21,9 myńdy quraǵanyn, bul 2023 jylmen salystyrǵanda 35,1%-ǵa óskenin aitty. Aqyly týristik-saýyqtyrý qyzmetteriniń kólemi 60,8%-ǵa, al biýdjetke salyq túsimderi 58,7%-ǵa ósti. Bul rette Alakól aýdanynda ornalastyrý oryndarynyń sany 270-ke jetti.
Óz kezeginde Alakól aýdanynyń ákimi Almas Abdinov týristik maýsym bastalǵanǵa deiin kól jaǵalaýynyń qaýipsizdigi men sanitarlyq jaǵdaiyna erekshe nazar aýdarylǵanyn habarlady. Osy maqsatta qosymsha 90 qoqys jáshigi ornatylady, sóitip olardyń sany 220-ǵa jetedi. Tehnika qajettiligi máselesi de sheshildi, al qoqysty shyǵarýmen jergilikti kompaniia ainalysady. Sanitarlyq-gigienalyq toraptardyń sany da artyp, 53 birlikke jetpek.
Sonymen qatar elektrmen úzdiksiz jabdyqtaýdy qamtamasyz etý úshin jańa «Aqshi» qosalqy stantsiiasynyń qurylysy júrgizilýde, Beskólden Aqshige deiin joǵary voltty elektr berý jelileriniń qurylysy 80%-ǵa aiaqtaldy. Budan bólek, kelesi jylǵa aýyspaly nysan – Aqshidegi káriz-tazartý qurylystaryn salý jumystary bastaldy. Jaǵalaýdy nyǵaitý, sondai-aq jaǵalaýdaǵy uialy bailanys pen Internetti úzdiksiz qamtamasyz etý máselesi de nazardan tys qalǵan joq.
A. Qanaǵatov óz kezeginde oblys ákiminiń tapsyrmasy boiynsha júzý quraldarynyń baqylaýsyz qozǵalysy máselesin retteý úshin oblystyq máslihattyń sessiiasynda jalpy sý paidalaný erejesi bekitilgenin, onda tiisti túsiniktemeler berilip, sý aidyndaryndaǵy qaýipsizdik erejeleriniń talaptaryn saqtamaǵandarǵa jaýapkershilik belgilengenin aitty. Sonymen qatar shomylý maýsymyna qarai kóliktik baqylaý inspektorlarynyń sany jáne shaǵyn kólemdi sý quraldarynyń qatary ulǵaitylady.
Balqash kóliniń jaǵalaýyndaǵy týrizmdi damytý týraly aitsaq, qazirgi kezde «Balqash» týristik-rekreatsiialyq demalys aimaǵynyń injenerlik-kommýnikatsiialyq jelisin salý jobasy iske asyrylýda. Sondai-aq maýsym aiynyń sońyna deiin kóldiń jaǵalaý aimaǵyn egjei-tegjeili josparlaý jobasy boiynsha memlekettik saraptama qorytyndysy daiyn bolady dep kútilýde.
Qoǵamdyq tártipti qamtamasyz etý, jol qozǵalysy qaýipsizdigi, tótenshe jaǵdailardyń aldyn alý máseleleri boiynsha oblystyq politsiia departamenti men TJD ókilderi baiandady. Kýrorttyq aimaqtarda, týrister kóp jinalatyn oryndarda meditsinalyq qyzmet kórsetý máselesi erekshe baqylaýda.
Bul rette Panfilov aýdany, onyń ishinde «Qorǵas» shekara mańy yntymaqtastyǵy halyqaralyq ortalyǵy – óńirdegi taǵy bir mańyzdy týristik baǵyt. Jazǵy demalystyń bastalýyna orai ortalyqqa kelýshiler sany eselep artyp, olarǵa sapaly qyzmet kórsetý jáne qaýipsizdigin qamtamasyz etý úshin tiisti sharalar qabyldanýda.
Kezdesý sońynda jaýapty tulǵalarǵa týrizm obektileriniń kóliktik qoljetimdiligin qamtamasyz etýge jáne infraqurylymdyq jobalardy iske asyrýdyń merzimderin saqtaý men sapasyna erekshe nazar aýdarýǵa, sondai-aq týristik obektilerdiń týristerdi qabyldaýǵa, jalpy shomylý maýsymyn ótkizýge daiyndyǵyna qatysty tapsyrmalar berildi.
Sonymen qatar óńirdiń týristik salasyna investitsiia tartýǵa erekshe kóńil bólý qajet.
Atap ótsek, jalpy qańtar-sáýir ailarynda oblys ekonomikasyna 1,6 ese ósimmen 97 mlrd. teńgeden astam investitsiia tartylǵan, onyń ishinde jeke investitsiialar – 73,6 mlrd.teńge.
