Almatyda ál-Farabi dańǵylynda úsh adamnyń ómirin qiǵan jol apatyna qatysty sot protsesi jalǵasyp jatyr. 15 maýsymda sot otyrysynda aiyptalýshy A.P. jaýap berdi, dep habarlaidy dalanews.kz.
Jaýap alý bastalar aldynda A. P. sotqa júginip, qaiǵyly oqiǵaǵa bailanysty kinásin moiyndaitynyn aitty. Ol jaýapkershilikten jaltarýǵa tyryspaitynyn, jazany óteýge daiyn ekenin jáne ózine shartty jaza suramaitynyn atap ótti.
"Óz kinámdi tolyq moiyndaimyn. Úsh birdei jazyqsyz adamnyń qazasyna sebep bolǵanyma kinálimin. Olardyń otbasyna aýyr qaiǵy ákelgenime, óz ómirimdi jáne otbasymnyń ómirin búldirgenime ókinemin”, - dedi aiyptalýshy.
Ol buqaralyq aqparat quraldaryna da úndeý jasady.
“BAQ-qa aitarym, eshbir jaǵdaida jazadan jaltarýǵa tyryspaimyn. Men úshin shartty jaza qabyldanbaidy. Zań aiasynda tolyq jaýapkershilik alýǵa daiynmyn. Bul - úlken tragediia, men tolyqtai jazaǵa daiynmyn”, - dedi ol.
