Al Aral mańynan titan óndiriletin boldy
Buǵan dálel aldaǵy Qyzylorda oblysynyń Aral aýdanynda titan óndiretin ken baiytý kombinaty salynady.
Oblys úshin orny erekshe joba respýblikalyq Indýstriialandyrý kartasyna engizilgen.
Qazirde salynatyn nysannyń tehnikalyq-ekonomikalyq negizdemesi jasalýda. Al joba quny 3,4 mlrd teńgeni quramaqshy.
Qazaqstan damý banki men jergilikti investor birigip qarjylandyratyn kombinat qurylysyn kelesi jyly bastaý josparlanyp otyr. Óndiriske qajet shikizat Aqespe eldi mekeniniń mańynan alynbaqshy.
Aita ketsek, titannyń negizgi bóligi raketa-kosmos óndirisinde jáne himiialyq, biomeditsinalyq, zergerlik ónerkásipte keńinen qoldanylady.
Bul óz kezeginde Aral aýdanynyń áleýmettik-ekonomikalyq ómirine ózgeris ákeleri anyq. Bul sózimizdi aýdan ákimi Muhtar Orazbaev ta qýattap otyr.
«Kombinatqa qajetti shikizat negizinen jergilikti jerden qaralyp jatyr. Aral óńirinde ashylmaǵan áli de elementter kóp qoi. Men bilsem, Mendeleevtiń barlyq elementteri osy Aral óńirinen tabylady. Bul bizdiń aýdan úshin úlken múmkindik. Bastysy jańa jumys oryndary ashylady», – dedi aýdan basshysy.
Ázirgi tańda jer qyrtystaryna zertteý jumystary jasalyp jáne Aqespe eldi mekeninde jerasty ystyq sýy aǵyp tur. Mine, osynyń da quramyn zertteý jumystaryn jasap jatyr. Negizgi shikizat Aral óńirinen bolady dep josparlanýda.
