Oblys ákimi Ábilqaıyr Sqaqov Jedel áreket etý ortalyǵy barlyq týyndaǵan suraqtarǵa jedel basqarýshylyq sheshim shyǵarý úshin qurylǵanyn eske saldy. Alǵashqy kúnen-aq JÁEO 5 myńnan astam qońyraý qabyldap úlgerdi.
– Jalpy aımaqtyń tirshilikti qamtamasyz etý júıesi birqalypty jumys istep keledi, – dep belgiledi ákim. – Pavlodar kóshelerinde kólik sany birshama azaıdy, biraq kólik legin taǵy azaıtý boıynsha jumystardy jalǵastyrý kerek. Búgin qala ortalǵyndaǵy keńse ǵımarattarynyń janyndaǵy turaqta kólik kóp. Bul rette, baqylaý toptary karantın rejımin barlyǵy saqtap júrgen, júrmegenin tekserýi kerek. Sonymen qatar, kólikterdiń kóbi joldyń júrgin bóliginde tur. Buǵan polısıa departamenti men jergilikti polısıa qyzmeti nazar aýdarýy kerek.
Karantınge jabylǵan Pavlodar qalasyndaǵy úsh jáne Ekibastuz qalasyndaǵy bir úıdiń turǵyndary jaıynda qala ákimderi Qaırat Núkenov pen Erjan Imanzaıpov aıtyp berdi. Qala basshylary turǵyndarmen únemi baılanysta, olardyń barlyq qajettilikterin qamtamasyz etedi.
– Medısına qyzmetkerlerine jaǵdaı jasaýǵa erekshe kóńil bólýlerińizdi suraımyn, – dep talap etti Ábilqaıyr Sqaqov. – Basqa aımaqtardyń tájirbıesi kórsetkendeı, dárigerlerdiń koronavırýs ınfeksıasyn jutyrý qaýipi joǵary. Sondyqtan naýqastarmen jumys jasaıtyn medısına qyzmetkerleri óz obasylarymen qarym-qatynas jasamaýlary úshin, qonaq úılerge ornalastyryldy.
Aımaq basshysy KVI-men kúres júrgizip jatqan barlyq medısına qyzmetkerlerine qosymsha tólem berilýi kerektigin eske saldy. Bul Memleket basshysy Qasym-Jomart Toqaevtyń tapsyrmasy.
Pavlodar oblysy ákiminiń baspasóz qyzmeti
Foto túsirgen Valerıı Býgaev
