وبلىس اكىمى ءابىلقايىر سقاقوۆ جەدەل ارەكەت ەتۋ ورتالىعى بارلىق تۋىنداعان سۇراقتارعا جەدەل باسقارۋشىلىق شەشىم شىعارۋ ءۇشىن قۇرىلعانىن ەسكە سالدى. العاشقى كۇنەن-اق جاەو 5 مىڭنان استام قوڭىراۋ قابىلداپ ۇلگەردى.
– جالپى ايماقتىڭ تىرشىلىكتى قامتاماسىز ەتۋ جۇيەسى ءبىرقالىپتى جۇمىس ىستەپ كەلەدى، – دەپ بەلگىلەدى اكىم. – پاۆلودار كوشەلەرىندە كولىك سانى ءبىرشاما ازايدى، ءبىراق كولىك لەگىن تاعى ازايتۋ بويىنشا جۇمىستاردى جالعاستىرۋ كەرەك. بۇگىن قالا ورتالعىنداعى كەڭسە عيماراتتارىنىڭ جانىنداعى تۇراقتا كولىك كوپ. بۇل رەتتە، باقىلاۋ توپتارى كارانتين رەجيمىن بارلىعى ساقتاپ جۇرگەن، جۇرمەگەنىن تەكسەرۋى كەرەك. سونىمەن قاتار، كولىكتەردىڭ كوبى جولدىڭ جۇرگىن بولىگىندە تۇر. بۇعان پوليسيا دەپارتامەنتى مەن جەرگىلىكتى پوليسيا قىزمەتى نازار اۋدارۋى كەرەك.
كارانتينگە جابىلعان پاۆلودار قالاسىنداعى ءۇش جانە ەكىباستۇز قالاسىنداعى ءبىر ءۇيدىڭ تۇرعىندارى جايىندا قالا اكىمدەرى قايرات نۇكەنوۆ پەن ەرجان يمانزايپوۆ ايتىپ بەردى. قالا باسشىلارى تۇرعىندارمەن ۇنەمى بايلانىستا، ولاردىڭ بارلىق قاجەتتىلىكتەرىن قامتاماسىز ەتەدى.
– مەديسينا قىزمەتكەرلەرىنە جاعداي جاساۋعا ەرەكشە كوڭىل بولۋلەرىڭىزدى سۇرايمىن، – دەپ تالاپ ەتتى ءابىلقايىر سقاقوۆ. – باسقا ايماقتاردىڭ تاجىربيەسى كورسەتكەندەي، دارىگەرلەردىڭ كوروناۆيرۋس ينفەكسياسىن جۇتىرۋ ءقاۋىپى جوعارى. سوندىقتان ناۋقاستارمەن جۇمىس جاسايتىن مەديسينا قىزمەتكەرلەرى ءوز وباسىلارىمەن قارىم-قاتىناس جاساماۋلارى ءۇشىن، قوناق ۇيلەرگە ورنالاستىرىلدى.
ايماق باسشىسى كۆي-مەن كۇرەس جۇرگىزىپ جاتقان بارلىق مەديسينا قىزمەتكەرلەرىنە قوسىمشا تولەم بەرىلۋى كەرەكتىگىن ەسكە سالدى. بۇل مەملەكەت باسشىسى قاسىم-جومارت توقايەۆتىڭ تاپسىرماسى.
پاۆلودار وبلىسى اكىمىنىڭ باسپا ءسوز قىزمەتى
فوتو تۇسىرگەن ۆالەريي بۋگايەۆ
