El Táýálsizdiginiń 30 jyldyǵyn merekeleý aıasynda Túrkistan oblysynda Saýran aýdany ákimdiginiń uıymdastyrýymen «Kıiz basý óneri – kóshpendiler murasy» atty baıqaý ótti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Atalǵan is-sharada 12 aýyldyq okrýgten kelgen ájeler baq synady. 3 topqa bólinip, tekemet basýdyń qyr-syryn kórermen aldynda kórsetken ardaqty analardyń óneri qonaqtarǵa qyzyqty boldy.

Júldegerlerdi anyqtaý da qıyn soqty. Sebebi qatysýshylardyń qolynan shyqqan kıizder óte ádemi shyqty. Kórermen jastar oıý-órnekpen órnektegen kıizdi daıyndaý ońaı emes ekenine kóz jetkizdi.

Baıqaý qortyndysy boıynsha "Eń úzdik qol óner sheberi" nomınasıasyn "Darıa tolqyn" ájeler toby ıemdense, "Sheberdiń qoly altyn" nomınasıasy "Asyl ájeler" tobyna buıyrdy. "Asyl qazyna ájeler" quramasy "Ónerli de, ónegeli áje" nomınasıasyna qol jetkizdi. "Kórermen kózaıymy" syılyǵy Babaıqorǵan aýyl okrýgi, Abaı aýylynan kelgen Anarkúl Abdýlaeva men Eski Iqan aýylynyń sheberi Karamhon Ýsmanova ájelerge tabystaldy.