اجەلەر كيىز باسۋدان جارىستى

Dalanews 20 قاز. 2021 08:11 393

ەل تاۋالسىزدىگىنىڭ 30 جىلدىعىن مەرەكەلەۋ اياسىندا تۇركىستان وبلىسىندا ساۋران اۋدانى اكىمدىگىنىڭ ۇيىمداستىرۋىمەن «كيىز باسۋ ونەرى – كوشپەندىلەر مۇراسى» اتتى بايقاۋ ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

اتالعان ءىس-شارادا 12 اۋىلدىق وكرۋگتەن كەلگەن اجەلەر ب ا ق سىنادى. 3 توپقا ءبولىنىپ، تەكەمەت باسۋدىڭ قىر-سىرىن كورەرمەن الدىندا كورسەتكەن ارداقتى انالاردىڭ ونەرى قوناقتارعا قىزىقتى بولدى.

جۇلدەگەرلەردى انىقتاۋ دا قيىن سوقتى. سەبەبى قاتىسۋشىلاردىڭ قولىنان شىققان كيىزدەر وتە ادەمى شىقتى. كورەرمەن جاستار ويۋ-ورنەكپەن ورنەكتەگەن كيىزدى دايىنداۋ وڭاي ەمەس ەكەنىنە كوز جەتكىزدى.

بايقاۋ قورتىندىسى بويىنشا "ەڭ ۇزدىك قول ونەر شەبەرى" نوميناسياسىن "داريا تولقىن" اجەلەر توبى يەمدەنسە، "شەبەردىڭ قولى التىن" نوميناسياسى "اسىل اجەلەر" توبىنا بۇيىردى. "اسىل قازىنا اجەلەر" قۇراماسى "ونەرلى دە، ونەگەلى اجە" نوميناسياسىنا قول جەتكىزدى. "كورەرمەن كوزايىمى" سىيلىعى بابايقورعان اۋىل وكرۋگى، اباي اۋىلىنان كەلگەن اناركۇل ابدۋلايەۆا مەن ەسكى يقان اۋىلىنىڭ شەبەرى كارامحون ۋسمانوۆا اجەلەرگە تابىستالدى.

ۇسىنىلعان
سوڭعى جاڭالىقتار