Qazaqstan mınorıtarlyq aksıonerler qaýymdastyǵy (QAMS QazTrading) 25 jeltoqsandaǵy saýda-sattyq qorytyndysy boıynsha bırjalyq ındeksterge súıene otyryp, otandyq 10 kompanıanyń naryqtyq qunyn eseptep kórdi, dep jazady Dalanews.kz.
Indekstelgen kompanıalardyń jalpy quny 57,3 mlrd dollardy qurady.
Taldaýǵa sáıkes, naryqtyń 91.5%-y myna úzdik tórttikke tıesili: Kaspi, QazMunaıGaz, Qazatomónerkásip jáne Halyk Bank.
Kaspi - Qazaqstannyń eń qymbat jarıa kompanıalarynyń biri, quny - 20 mlrd dollar. Kaspi Halyk-tan 3,8 ese qymbat.
"Birinshiden, bul Halyk aksıalary LSE-ge usynylsa, al Kaspi-diki odan ótimdi bırja - NASDAQ-ta saýdalanýynda bolsa kerek. Ekinshiden, ınvestorlar Kaspi-di Halyk-tan qaraǵanda bank emes, fınteh retinde qabyldaıdy", delingen QAMS QazTrading-tiń Telegram arnasynda.
QazMunaıGaz - shamamen 17,5 mlrd dollar, Qazatomónerkásip - 10 mlrd dollarǵa jýyq jáne Halyk Bank - 5,2 mlrd dollardan asady. "Qazaqtelekomnyń" enshilesi - Kcell bas kompanıaǵa qaraǵanda 1,5 ese "qymbattyraq". Al Air Astana (AIR) áýe tasymaly naryǵynda kóshbasshy bolǵanymen, biraq KASE-de ondaı bedelge ıe bolmaı shyqty.
"Ol - Qazaqstandaǵy jarıa kompanıalar arasyndaǵy eń arzany (shamamen 560 mln dollar), halyqaralyq naryqtardyń standarttary boıynsha shaǵyn kapıtaldandyrý deńgeıindegi kompanıalar qataryna jatady", - deıdi sarapshylar.
Jahandyq Big Tech Qazaqstan búdjetine 70 mlrd teńge salyq tólegenin, olardyn arasynda Alibaba, Aliexpress, Apple Google, Huawei, Netflix, Pinduoduo, Temu da bar ekenin jazǵanbyz.
