قازاقستان مينوريتارلىق اكسيونەرلەر قاۋىمداستىعى (QAMS QazTrading) 25 جەلتوقسانداعى ساۋدا-ساتتىق قورىتىندىسى بويىنشا بيرجالىق يندەكستەرگە سۇيەنە وتىرىپ، وتاندىق 10 كومپانيانىڭ نارىقتىق قۇنىن ەسەپتەپ كوردى، دەپ جازادى Dalanews.kz.
يندەكستەلگەن كومپانيالاردىڭ جالپى قۇنى 57،3 ملرد دوللاردى قۇرادى.
تالداۋعا سايكەس، نارىقتىڭ 91.5%-ى مىنا ۇزدىك تورتتىككە تيەسىلى: Kaspi، قازمۇنايگاز، قازاتومونەركاسىپ جانە Halyk Bank.
Kaspi - قازاقستاننىڭ ەڭ قىمبات جاريا كومپانيالارىنىڭ ءبىرى، قۇنى - 20 ملرد دوللار. Kaspi Halyk-تان 3،8 ەسە قىمبات.
"بىرىنشىدەن، بۇل Halyk اكسيالارى LSE-گە ۇسىنىلسا، ال Kaspi-دىكى ودان ءوتىمدى بيرجا - NASDAQ-تا ساۋدالانۋىندا بولسا كەرەك. ەكىنشىدەن، ينۆەستورلار Kaspiء-دى Halyk-تان قاراعاندا بانك ەمەس، فينتەح رەتىندە قابىلدايدى"، دەلىنگەن QAMS QazTradingء-تىڭ Telegram ارناسىندا.
قازمۇنايگاز - شامامەن 17،5 ملرد دوللار، قازاتومونەركاسىپ - 10 ملرد دوللارعا جۋىق جانە Halyk Bank - 5،2 ملرد دوللاردان اسادى. "قازاقتەلەكومنىڭ" ەنشىلەسى - Kcell باس كومپانياعا قاراعاندا 1،5 ەسە "قىمباتتىراق". ال Air Astana (AIR) اۋە تاسىمالى نارىعىندا كوشباسشى بولعانىمەن، ءبىراق KASE-دە ونداي بەدەلگە يە بولماي شىقتى.
"ول - قازاقستانداعى جاريا كومپانيالار اراسىنداعى ەڭ ارزانى (شامامەن 560 ملن دوللار)، حالىقارالىق نارىقتاردىڭ ستاندارتتارى بويىنشا شاعىن كاپيتالداندىرۋ دەڭگەيىندەگى كومپانيالار قاتارىنا جاتادى"، - دەيدى ساراپشىلار.
جاھاندىق Big Tech قازاقستان بيۋدجەتىنە 70 ملرد تەڭگە سالىق تولەگەنىن، ولاردىن اراسىندا Alibaba، Aliexpress، Apple Google، Huawei، Netflix، Pinduoduo، Temu دا بار ەكەنىن جازعانبىز.
