AQSh prezidenti Donald Tramp áleýmettik jelidegi paraqshasynda Aidyń sýretin jariialap, oǵan «Ai bizdiki» degen jazý qosty, dep habarlaidy dalanews.kz.
Tramp 6 qyrkúiekte Truth Social jelisinde Jer men Ai beinelengen sýret jariialady. Sýrette Ai betine AQSh týy qoiylyp, «The Moon Is Ours» degen jazý ornalastyrylǵan.
Alaida bul jariialanym Aidyń AQSh aýmaǵyna ainalǵanyn bildirmeidi. 1967 jylǵy Ǵarysh týraly shartqa sáikes, memleketter Aidy nemese ózge de aspan denelerin ulttyq aýmaq retinde iemdene almaidy.
Tramp ákimshiligi AQSh-tyń Aidy zertteý baǵdarlamasyn jandandyrýǵa basymdyq berip otyr. Vashington amerikalyq astronavttardy Aiǵa qaita jiberip, bolashaqta onda turaqty infraqurylym qalyptastyrýdy kózdeidi.
