Atom elektr stantsiiasynyń salynýyn qoldap, áleýmettik jelide halyqqa úndeý jasaǵan tanymal ánshi Qairat Nurtas jurttyń synyna qaldy, - dep habarlaidy Dalanews.kz.
Ánshiniń úndeý jasaǵan videosy óziniń jeke paraqshasynda jáne AES salýdy qoldaý jónindegi halyqtyq shtabtyń paraqshasynda jariialandy.
Aqparatqa súiensek, tanymal ánshi Qairat Nurtas AES salýdy qoldaý jónindegi Shymkent qalalyq shtabynda bolyp, "AMANAT" partiiasynyń qalalyq filialynyń atqarýshy hatshysy Murat Joldyhojaevpen atom elektr stantsiiasynyń salyný jobasyna bailanysty pikir almasqan.
"Memleket basshysy Qasym-Jomart Toqaev joldaýynda Qazaqstanǵa atom elektr stantsiiasyn salý qajet ekenin aitty. Ony bárimiz qoldaimyz. "Amanat" partiiasyna raqmet, men ózim oqyp shyqtym, maǵan bárin túsindirdi. 6 qazanda ótetin referendýmda bárimiz atsalysyp, daýys bereiik, Qazaqstanymyzdyń bolashaǵy úshin birge bolaiyq", - deidi videoda ánshi.
Jeli qoldanýshylary ánshiniń videosyna túrli pikir jazǵan. Olardyń arasynda ánshini synǵa alǵandar da tabylǵan.
"AES-tyń ne ekenin bile me eken?", "Qaireke, osy jerden qoia sal, ondai jaǵympaz pikirleriń, úgit-nasihattaryń halyqqa ótpeidi! Qazaq eli AES salýǵa qarsy! Semei jurty kezinde orystardyń salǵan poligonynyń zardabyn áli tartyp otyr! Odan da sol poligonnan zardap shekken halyqqa jaǵdai jasap, jaqsy ótemaqy tólesin. Sony nege aitpaisyńdar?", "Qazaqstanǵa ne úshin kerek, debat uiymdastyrý kerek edi", "Qyzyqsyń Qairat", "Ai ańqaý qazaǵym-ai", "Bilik ne dese de qoldaiyn dep tur Qairekeń", "Ánińdi aityp júre ber, neń bar saiasatta", - dedi jurt.
