Tanymal ánshi Tóreǵali Tóreáli otbasynda qýanyshty jańalyq boldy. Óner iesiniń shańyraǵynda taǵy bir sábi dúniege keldi. Jubaiy Tolqyn qyz balany ómirge ákeldi, dep habarlaidy Dalanews.kz.
Bul týraly ánshiniń prodiýseri Jan Muqanov áleýmettik jelide málimdedi. Onyń aitýynsha, náreste 7 sáýir kúni keshki saǵat jeti shamasynda týǵan. Osylaisha, bul – otbasynyń jetinshi qyzy. Prodiýser sábige aq tilegin arnap, ata-anasyna qýanysh, bereke tiledi.
Sondai-aq, ol sábige ázirge esim berilmegenin aitty. Jan Muqanov kópshilikke túrli esim nusqalaryn usynyp, solardyń ishinen tańdaý jasalýy múmkin ekenin jetkizdi.
Tóreǵali Tóreáli (Tóreǵali Tóreáliuly Álihanov) 1992 jyly 14 qazanda Baiqońyr qalasynda dúniege kelgen. Mektepti týǵan qalasynda támamdap, keiin Almatydaǵy T. Júrgenov atyndaǵy Óner akademiiasynyń kolledjinde akter mamandyǵy boiynsha bilim alǵan.
