Ortalyq sailaý komissiiasy tóraǵasynyń orynbasary Konstantin Petrov eger eki adam daýys berý kabinasyna kirse, ol zańbuzýshylyq bolyp sanalady ma degen suraqqa jaýap berdi, - dep habarlaidy Dalanews.kz.
Ortalyq referendým komissiiasynyń otyrysynda ótken brifing barysynda Petrov Konstitýtsiialyq zańda árkim jeke daýys beretini belgilengenin atap ótti. Demek, "ýchaskede kabinaǵa ekeýden jappai kirý jaǵdaiy bolmaýy kerek".
"Erekshe jaǵdai daýys berýshiniń ózi daýys bere almaityn kezde bolýy múmkin. Biraq muny referendýmnyń ýchaskelik komissiiasy bekitedi. Iaǵni, kómekshige júginedi. Olar jergilikti organnyń laýazymdy tulǵasy nemese baqylaýshy bolmaýy kerek. Basqa sailaýshy bolýy múmkin. Bul bir ǵana erekshe jaǵdai", - dep túsindirdi Petrov.
Aita keteiik, AES qurylysy boiynsha referendým 6 qazanda ótedi.
Qarin 400 kúnge sozylǵan aqparattyq-túsindirý jumysy el tarihyndaǵy eń uzaq naýqan ekenin aitty.
«Búgin elimizde Atom elektr stansasyn salý máselesine qatysty referendým aiasynda týra 400 kúnge sozylǵan aqparattyq-túsindirý jumysy aiaqtalady. Ony Qazaqstannyń saiasi tarihyndaǵy eń uzaq naýqan deýge tolyq negiz bar. Nege 400 kún? Sebebi Memleket basshysy referendým ótkizý týraly ideiasyn byltyr, iaǵni 2023 jylǵy 1 qyrkúiekte kezekti Joldaýynda aitty. Dál sol kúni referendýmǵa qatysty aýqymdy jumys bastaldy deýge bolady», - dedi ol.
Memlekettik keńesshi osy ýaqyt ishinde ár aimaqta qoǵamdyq tyńdaý uiymdastyrylyp, aqparat keńistiginde sarapshylar men qoǵam belsendileri jan-jaqty pikir almasqanyn, osy naýqan baisaldy túrde, ózara túsinistik jaǵdaiynda ótkenin málimdedi.
«Refendým kezinde elimizdegi qoǵamdyq kúshter alǵash ret saiasi emes, ekonomikalyq múdde turǵysynan kúsh-jigerin biriktirgenin atap ótken jón. «Amanat» partiiasynyń bastamasymen 6 saiasi partiia jáne 20-dan astam qoǵamdyq birlestik Atom elektr stansasyn salýdy qoldaý jónindegi halyqtyq shtab qurdy. Shtab músheleri barlyq óńirdiń turǵyndarymen kezdesý ótkizdi, oǵan energetika salasynyń jetekshi sarapshylary men mamandary qatysty. Osylaisha, azamattarymyzdyń Qazaqstanda atom energetikasyn damytýǵa qatysty baiypty toqtamǵa kelýine múmkindik berildi», - dedi Qarin.
