AERS 2025 jyldyń sońyndaǵy ınflásıa kólemine qatysty aldyńǵy boljamda jarıalanǵan 12,1% kórsetkishin ózgerissiz qaldyrdy. 2024 jyldyń sońynda bul kórsetkish 8,6%-dy quraǵan bolatyn, dep habarlaıdy Dalanews.kz.

İshki jáne syrtqy faktorlarda aıtarlyqtaı ózgeristerdiń bolmaýyn negizge ala otyryp, AERC mamyrdaǵy taldaýynda 2025 jyldyń sońyndaǵy ınflásıa kólemine qatysty boljamyn ózgerissiz qaldyrdy.

"Mamyrdan bastap shilde aıy boıynda aılyq ınflásıa 0,9% quraıdy dep kútiledi, al jyldyq ınflásıa shildede 12,1% - ǵa jetip, ósý úrdisin jalǵastyrady", - deıdi qarjy ınstıýty sarapshylary. Olardyń pikirinshe, buǵan ishkimen qatar syrtqy birqatar ekonomıkalyq faktorlar áser etýde.

Atap aıtqanda, Reseıdegi ınflásıanyń joǵary deńgeıi, álemdik naryqta azyq-túlikterdiń qymbattaýy, rúbldiń nyǵaıýy, AQSH saýda saıasatyndaǵy dúdamaldylyqtyń áli de saqtalýy túrtki.

"Sáýirde aılyq ınflásıa 1,3% boldy (naýryz aıynda - 1,2%). Osy jaǵynan alǵanda, aı saıynǵy ınflásıanyń baıaýlaýy ekinshi aı qatarynan baıqalady, biraq bul kórsetkish joǵary deńgeıin saqtaýda. Jyldyq ınflásıa sáýir aıynda 10,7% deńgeıinde qalyptasty, AERC boljamyna dóp keldi. Sonymen qatar, 2025 jylǵy qańtar-sáýirdegi ortasha ınflásıa 9,7% qurady. Inflásıanyń údeýi jyl basynan bastaldy. Jyldyq sıpatta turaqty ósim bar, tek jalpylama emes, sonymen qatar negizgi jáne maýsymdyq taza ınflásıany qosa alǵanda. Bul alańdatarlyq dınamıka maýsymdyq aýytqýlarmen baılanysty emes ınflásıalyq qysymnyń jalǵasyp kele jatqanyn  kórsetedi", delingen AERS boljamynda.

Buǵan deıin saıtymyzda "Dollar baǵamy qaıta kúsh alýy múmkin". BCC Invest óz boljamyn qaıta jańartty" degen maqala jarıalanǵan bolatyn.