AERS 2025 جىلدىڭ سوڭىنداعى ينفلياسيا كولەمىنە قاتىستى الدىڭعى بولجامدا جاريالانعان 12،1% كورسەتكىشىن وزگەرىسسىز قالدىردى. 2024 جىلدىڭ سوڭىندا بۇل كورسەتكىش 8،6%-دى قۇراعان بولاتىن، دەپ حابارلايدى Dalanews.kz.
ىشكى جانە سىرتقى فاكتورلاردا ايتارلىقتاي وزگەرىستەردىڭ بولماۋىن نەگىزگە الا وتىرىپ، AERC مامىرداعى تالداۋىندا 2025 جىلدىڭ سوڭىنداعى ينفلياسيا كولەمىنە قاتىستى بولجامىن وزگەرىسسىز قالدىردى.
"مامىردان باستاپ شىلدە ايى بويىندا ايلىق ينفلياسيا 0،9% قۇرايدى دەپ كۇتىلەدى، ال جىلدىق ينفلياسيا شىلدەدە 12،1% - عا جەتىپ، ءوسۋ ءۇردىسىن جالعاستىرادى"، - دەيدى قارجى ينستيۋتى ساراپشىلارى. ولاردىڭ پىكىرىنشە، بۇعان ىشكىمەن قاتار سىرتقى ءبىرقاتار ەكونوميكالىق فاكتورلار اسەر ەتۋدە.
اتاپ ايتقاندا، رەسەيدەگى ينفلياسيانىڭ جوعارى دەڭگەيى، الەمدىك نارىقتا ازىق-تۇلىكتەردىڭ قىمباتتاۋى، ءرۋبلدىڭ نىعايۋى، اقش ساۋدا ساياساتىنداعى ءدۇدامالدىلىقتىڭ ءالى دە ساقتالۋى تۇرتكى.
"ساۋىردە ايلىق ينفلياسيا 1،3% بولدى (ناۋرىز ايىندا - 1،2%). وسى جاعىنان العاندا، اي سايىنعى ينفلياسيانىڭ باياۋلاۋى ەكىنشى اي قاتارىنان بايقالادى، ءبىراق بۇل كورسەتكىش جوعارى دەڭگەيىن ساقتاۋدا. جىلدىق ينفلياسيا ءساۋىر ايىندا 10،7% دەڭگەيىندە قالىپتاستى، AERC بولجامىنا ءدوپ كەلدى. سونىمەن قاتار، 2025 جىلعى قاڭتار-ساۋىردەگى ورتاشا ينفلياسيا 9،7% قۇرادى. ينفلياسيانىڭ ۇدەۋى جىل باسىنان باستالدى. جىلدىق سيپاتتا تۇراقتى ءوسىم بار، تەك جالپىلاما ەمەس، سونىمەن قاتار نەگىزگى جانە ماۋسىمدىق تازا ينفلياسيانى قوسا العاندا. بۇل الاڭداتارلىق ديناميكا ماۋسىمدىق اۋىتقۋلارمەن بايلانىستى ەمەس ينفلياسيالىق قىسىمنىڭ جالعاسىپ كەلە جاتقانىن كورسەتەدى"، دەلىنگەن AERS بولجامىندا.
بۇعان دەيىن سايتىمىزدا "دوللار باعامى قايتا كۇش الۋى مۇمكىن". BCC Invest ءوز بولجامىن قايتا جاڭارتتى" دەگەن ماقالا جاريالانعان بولاتىن.
