Múftıat ókilderimen júzdesken Tazabekov bylaı dedi:
"Muhamedjannyń aqıdasy kúmándi. Munyń Saýd Arabıasymen qatysy bar" degen jurttyń saýalyna ashyq jaýap bereıin. Qudaıdyń aldynda arym taza bolý úshin osy saýalǵa egjeı-tegjeıli jaýap qatqandy jón kórdim.
Aqyn boldyq, júregimiz ashyq. Qaı jerge barsaq ta halyq qushaǵyn ashyp qarsy alady. Kim kóringenniń aýzyna qaradyq. Ol kezde Dinı basqarmanyń qazirgideı qulash jaımaǵan kezi. Qazirgi halyqqa tanymal ustazdar, ýaǵyzshylar shyǵa qoımaǵan ýaqyt edi.
Sóıtip júrgende Mysyrdan, Saýdıadan oqyp kelgen jigitterge qushtarlyǵymyz artty. Tyńdadyq. Qasynda jurdyq.
Saýdıada segiz aıdaı boldym. Qudaı kýá ol jaqtan bálen degen sheıhqa tabynyp, elge sanam tumshalanyp oralǵan joqpyn.
Olar meni óz tobyna tartyp jatqandaryn da sezbegen ekenmin. Menimen jumys jasaǵan eken.
Sóıtip keıin sol jolmen ǵana júrdik. Aqıqaty osy degen oıda boldyq. Keıin kemeldene kele, Dinı basqarmaǵa qulaq túrip, elge belgili ýaǵyzshylarmen pikirlesip burynǵyǵa kúmán keltirip, alystaı bastadyq...
Sondyqtan osy otyrǵan árqaısyńyz meniń jan-dúnıemde, kózqarasymda tóńkeris týǵyzýǵa sebepker boldyńyzdar. Dál qazir Matýrýdı aqıdasyndamyn dep aıtýǵa esh jerde qysylmaımyn. Buǵan meniń kózim de, kóńilim jetti", –dedi Tazabekov.
Jalǵasy vıdeoda:
https://youtu.be/PyyzQYly28A
