Perizat Qairat pen onyń anasyna qatysty sot isinde jábirlenýshiler tizimine kommýnaldyq qyzmet ókilderi de kýáger boldy. Olar sý tasqynynan zardap shekkenderge kómek retinde Perizat Qairattyń qoryna birneshe million teńgeden aýdarǵan, dep habarlaidy Dalanews.kz.
Sot otyrysynda prokýrorlar densaýlyq jaǵdaiyna bailanysty qatysa almaǵan jábirlenýshilerdiń jazbasha kýálikterin oqyp berdi. Olardyń arasynda qarapaiym azamattarmen qatar kommýnaldyq mekemeler de bar. Máselen, eki almatylyq turǵyn Biz Birgemiz qoryna 3 jáne 5 million teńgeden aýdarǵan.
Sotta "Almaty Tazalyq" mekemesiniń zańgeri de kýálik berdi. Ol kásiporynnyń Qazaqstandaǵy sý tasqynynan keiin 3 million teńge kóleminde qaiyrymdylyq kómek kórsetkenin aitty. Bul – kommýnaldyq qyzmetkerlerdiń bir kúndik jalaqysy bolǵan.
"Bul qyzmetkerlerdiń kún saiyn aptap ystyqta dalada júrip tapqan eńbekaqylary", – dedi kásiporyn ókili.
